تاریخ شائع کریں2020 20 December گھنٹہ 03:05
خبر کا کوڈ : 486441

اٹلی:کرسمس اور سال نو کے موقع پر ملک بھر میں لاک ڈاؤن کا اعلان

کورونا وائرس کے خطرناک حد تک پھیلاؤ کو روکنے کے لیے اٹلی نے کرسمس اور سال نو کے موقع پر ملک بھر میں لاک ڈاؤن کا اعلان کردیا۔
اٹلی:کرسمس اور سال نو کے موقع پر ملک بھر میں لاک ڈاؤن کا اعلان
رپورٹ کے مطابق اٹلی میں کرسمس اور سال نو کی تعطیلات کے دوران ملک بھر میں سخت لاک ڈاؤن کا اعلان کیا ہے۔ یہ فیصلہ ان دنوں میں ہونے والے اجتماعات کے باعث کورونا کے ممکنہ پھیلاؤ کو روکنے کے لیے کیا گیا ہے۔

لاک ڈاؤن کے دوران ملک کو ریڈ زون قرار دیتے ہوئے اسی مناسبت سے پابندیاں عائد کی گئی ہیں۔ تمام غیر ضروری دکانیں، شاپنگ مال اور اجتماعات پر پابندی ہوں گی۔

علاوہ ازیں ملازمت، ایمرجنسی یا بیماری کی صورت میں ہی گھر سے نکلنے کی اجازت ہوگی جب کہ گھروں میں بھی پارٹیز کا انعقاد ممنوع ہوگا۔

اٹلی کے وزیراعظم جوزپے کونٹے نے کرسمس پر لاک ڈاؤن کے اقدام کو مشکل ترین فیصلہ قرار دیتے ہوئے کہا کہ طبی ماہرین نے کرسمس اجتماعات سے کورونا کے پھیلاؤ میں بے پناہ اضافے کا خدشہ ظاہر کیا ہے۔

اٹلی کے وزیراعظم نے مزید کہا کہ اس ماہ کے اخر تک ملک بھر کورونا ویکسین کا اغاز ہوجائے گا۔ انہوں نے ویکسینیشن کو اس عفریت کے خاتمے کا آغاز بھی قرار دیا۔

واضح رہے کہ اٹلی میں کورونا وائرس سے متاثر ہونے والوں کی تعداد 19 لاکھ سے تجاوز کر گئی ہے جب کہ اس مہلک وائرس سے ہلاک ہونے والوں کی تعداد 67 ہزار ہوگئی ہے جو کہ کسی یورپی ملک میں سب سے زیادہ ہے۔
https://taghribnews.com/vdcgt39tqak97t4.,0ra.html
آپ کا نام
آپکا ایمیل ایڈریس
سکیورٹی کوڈ