رہبر انقلاب اسلامی کا ڈاکٹر محسن فخری زادہ کی شہادت پر پیغام

رہبرانقلاب اسلامی نے ایران کے ایٹمی سائنسدان محسن فخری زادہ کے قاتلوں اور اس دہشت گردانہ کارروائی کا حکم دینے والوں کو سخت سزا دینے اور بھرپور انتقام لینے پر تاکید کی ہے.

رہبرانقلاب اسلامی آیت اللہ العظمی سید علی خامنہ ای نے اپنے ایک پیغام میں  ایران کے ایٹمی اور دفاعی سائنسدان محسن فخری زادہ کی شہادت پر تعزیت و تبریک پیش کرتے ہوئے اس دہشت گردانہ واقعے کے ذمہ داروں کو سخت سے سخت سزا دینے اور شہید فخری زادہ کی سائنسی اور فنی کوششوں اور کاوشوں کو آگے بڑھانے پر تاکید کی ہے.

رہبرانقلاب اسلامی نے فرمایا کہ اس ممتاز ایٹمی اور دفاعی سائنسداں نے جس کو شقی القلب اور دہشت گرد ایجنٹوں نے شہید کردیا اپنی قیمتی جان عظیم اور جاودانی سائنسی ترقی کی خاطر اللہ کی راہ میں پیش کردی اور اللہ کی جانب سے ان کا بہترین اجر شہادت کا اعلی مقام ہے.