رہبر انقلاب اسلامی حضرت آیت اللہ العظمیٰ سید علی خامنہ ای نے شہید حسین فہمیدہ کی شہادت کی چالیسویں برسی کے موقع پر پیغام جاری کرکے، انہیں خراج عقیدت پیش کیا ہے۔

اس پیغام میں آیا ہے کہ: حماسہ خلق کرنے والے شہید فہمیدہ اور انکے بھائی کی شہادت کے ایام کی مناسبت سے، ان شہیدوں کی اور ان صبور والدین کو کہ جو چند ماہ پہلے اپنے اعلی مقام کے حامل عزیزوں سے جا ملے خراج عقیدت پیش کرتے ہیں اور انکے لئے غفران الہی، اور اولیاٗے کرام کے ساتھ محشور ہونے کی دعا کرتے ہیں اور خدا سے انکے لواحقین کے لئے سعادت اور کامیابی کے طلبگار ہیں۔

واضح رہے کہ رہبر انقلاب اسلامی کا یہ پیغام صوبہ البرز میں نمائندہ ولی فقیہ نے شہید کے اہل خانہ تک پہنچایا ہے۔

اس ملاقات میں گفتگو کرتے ہوئے نمائندہ ولی فقیہ نے شجاعت، بصیرت اور موقع پر اقدام جیسی خصوصیات کو شہید محمد حسین فہمیدہ کا خاصہ قرار دیتے ہوئے کہا کہ آج ہمارے ملک کے جوانوں کو اسی طرح کی خوصوصیات کا حامل ہونے کی ضرورت ہے۔

اس موقع پر شہید فہمیدہ کے بھائی نے رہر انقلاب اسلامی کے پیغام کو خوش آئند قرار دیتے ہوئے کہا کہ شہید فہمیدہ کے اہل خانہ اپنے خون کے آخری قطرے تک ولایت اور اسلامی انقلاب کے اقدار کی حفاظت کرتے رہیں گے۔