کورونا نے مغربی تمدن کے عیوب کو برملا کردیا ہے

چونتیسویں عالمی وحدت اسلامی کانفرنس میں منعقدہ ویبینار سے گفتگو کرتے ہوئے یورپ کے معزز مہمانوں کا کہنا تھا کہ کورونا کی وبا کے زریعے خداوند متعال نے ہمیں یہ موقع فراہم کیا ہے کہ ہم کورونا کے بعد کی صورتحال کے لئے اپنے آپ کو تیار کریں۔
 
تقریب خبر رساں ایجنسی کے مطابق اس سال چونتیسویں سالانہ بین الاقوامی وحدت اسلامی کانفرنس کا کورونای جیسی موذی بیماری اور وبا کی وجہ سے آنلائن اہتمام کیا گیا ہے جس کا iuc.taqrib.ir/live سمیت سوشل میڈیا پر باقاعدہ آغاز ہوچکا ہے۔
 
اس ویبینار سے گفتگو کرتے ہوئے یورپ سے تعلق رکھنے والے معزز مہمانوں کا کہنا تھا کہ کورونا کی وبا کے زریعے خداوند متعال نے ہمیں یہ موقع فراہم کیا ہے کہ ہم کورونا کے بعد کی صورتحال کے لئے اپنے آپ کو تیار کریں۔ عالم اسلام کے دیگر ممالک کو بھی چاہئے کہ وہ اسلامی جمہوریہ ایران کی طرح وحدت کانفرنسوں کا انعقاد کریں جس میں عالم اسلام کو درپیش مسائل اور مشکلات پر گفتگو کیجاسکے۔

معزز مہمانوں کا کہنا تھا کہ اس وائرس اور وبا نے مغربی تمدن کے عیوب کو برملا کردیا ہےاور پہلے مرحلے میں مغرب اس وائرس کے انسداد میں ناکام ہوچکا ہے۔

مہمانوں کا کہنا تھا کہ کورونا وائرس مسلمانوں سمیت پوری دنیا کے لئے چیلنج ہے۔ ایک ایسا چیلنج جس کے سامنے جدید دور کی جدید ٹیکنالوجی بھی بے بس نظر آرہی ہے۔

شرکاء کا کہنا تھا کہ اگر مسلمان یکجہتی کا مظاہرہ کریں تو بہت ساری مشکلات خود بخود حل ہوجائیں گی،
 
مہمانوں نے اس بات پر تاکید کی کہ ہمیں اپنی گفتگو کو صرف اپنے ہی معاشرے تک محدود نہیں کرنا چاہئے بلکہ مغربی ممالک میں اکثریت ایسے افراد پر مشتمل ہے کہ جو آگاہی نہ ہونے کی وجہ سے میڈیا کے غلط پروپیگنڈے کا شکار ہوجاتے ہیں جس کے لئے دشمن کئی دہائیوں پہلے سے منصوبہ بندی کرتا چلا آیا ہے۔