تاریخ شائع کریں2020 31 October گھنٹہ 00:30
خبر کا کوڈ : 480499

پاکستان : دفتر خارجہ نے سینئر بھارتی سفارتکار کو طلب کرلیا،

پاکستان کی دفتر خارجہ نے سینئر بھارتی سفارتکار کو طلب کرکے واقعے پر شدید احتجاج ریکارڈ کرایا۔
پاکستان : دفتر خارجہ نے سینئر بھارتی سفارتکار کو طلب کرلیا،
پاکستان کے دفتر خارجہ نے سینئر بھارتی سفارتکار کو طلب کرکے لائن آف کنٹرول (ایل او سی) پر بلااشتعال فائرنگ اور جنگ بندی معاہدے کی خلاف ورزی پر شدید احتجاج کیا۔

بھارت نے 29 اکتوبر کو جنگ بندی معاہدے کی بلااشتعال خلاف ورزی کرتے ہوئے شہری آبادی کو نشانہ بنایا۔ بھارتی افواج نے نیزاپیر اور رکھ چکڑی سیکٹر میں فائرنگ کی جس کے نتیجے میں دو شہری زخمی ہوگئے۔

دفتر خارجہ نے سینئر بھارتی سفارتکار کو طلب کرکے واقعے پر شدید احتجاج ریکارڈ کرایا۔
ترجمان دفتر خارجہ کے مطابق شہری آبادی کو جان بوجھ کر نشانہ بنانا قابل مذمت ہے۔

یہ اقدامات 2003ء کے جنگ بندی مفاہمت کی صریحا خلاف ورزی ہے، بھارتی اقدامات پیشہ ورانہ فوجی طریقہ کار کی خلاف ورزی اور علاقائی امن و سلامتی کے لئے شدید خطرہ ہیں۔

زاہد حفیظ چوہدری کے مطابق بھارت اس طرح سے مقبوضہ کشمیر میں جاری انسانی حقوق کی شدید خلاف ورزیوں سے توجہ نہیں ہٹاسکتا۔

سینئر بھارتی سفارتکار پر زور دیا گیا کہ ان خلاف ورزیوں کی تحقیقات کرکے نتائج سے آگاہ کرے، بھارت کو کہا گیا کہ اقوام متحدہ کے ملٹری آبزرور مشن کو مینڈیٹ کے مطابق کام کرنے دے۔
https://taghribnews.com/vdcdnz0onyt0jo6.432y.html
آپ کا نام
آپکا ایمیل ایڈریس
سکیورٹی کوڈ