یونان کے وزیر اعظم کیریاکوس مٹسوٹاکِس نے کورونا وائرس کا پھیلاؤ روکنے کے لیے ایتھنز، تھیسالونیکی اور دیگر علاقوں میں رات کے اوقات کے لیے کرفیو نافذ کردیا۔

رپورٹ کے مطابق کیریاکوس مٹسوٹاکِس نے ٹیلی ویژن پر خطاب میں کہا کہ ہمارا مقصد رات کے اقات میں لوگوں کی نقل و حرکت اور اجتماع کو روکنا ہے جس سے وائرس کا پھیلاؤ روکنے میں مدد ملے گی۔

انہوں نے وبا سے زیادہ متاثرہ علاقوں میں بند اور کھلے دونوں طرح کے مقامات پر ماسک کے استعمال کو لازمی قرار دیا۔ ان کا کہنا تھا کہ ویکسین آنے سے قبل ماسک ہی ویکسین ہے۔