تاریخ شائع کریں2020 19 October گھنٹہ 14:39
خبر کا کوڈ : 479227

افغانستان میں پولیس ہیڈکوارٹر پر کار بم دھماکہ،

افغانستان میں فیروزکوہ کے پولیس ہیڈکوارٹر اور ایک سرکاری دفتر پر خودکش بمبار نے بارود سے بھری کار ٹکرادی۔
افغانستان میں پولیس ہیڈکوارٹر پر کار بم دھماکہ،
افغانستان میں فیروزکوہ کے پولیس ہیڈکوارٹر اور ایک سرکاری دفتر پر خودکش بمبار نے بارود سے بھری کار ٹکرادی جس کے نتیجے میں 12 افراد ہلاک اور 100 سے زائد زخمی ہوگئے۔

افغان میڈیا کے مطابق صوبہ غور کے علاقے فیروز کوہ میں پولیس ہیڈکوارٹر اور خواتین، شہدا و معذور کی وزارت کے سرکاری دفتر پر خودکش بمبار نے بارود سے بھری کار ٹکرادی جس کے نتیجے میں 12 افراد ہلاک اور 100 سے زائد زخمی ہوگئے۔

ہلاک اور زخمی ہونے والوں کو قریبی اسپتال منتقل کردیا گیا ہے جہاں 7 لاشیں لائی گئی تھیں جب کہ 5 افراد نے دوران علاج دم توڑ دیا جب کہ مختلف اسپتالوں میں 100 سے زائد زخمیوں کو لایا گیا ہے، ہلاکتوں میں اضافے کا خدشہ ہے۔

دوسری جانب طالبان نے شکوہ کیا ہے کہ گزشتہ ہفتے امریکی افواج نے کابل فوج کے ساتھ ہمارے ٹھکانوں پر بمباری کی جو کہ معاہدے کی خلاف ورزی ہے جس پر امریکی نمائندے زلمے خلیل زاد کا کہنا تھا کہ تحقیقات سے پتہ چلا ہے کہ امریکی فوج نے معاہدے کی خلاف ورزی نہیں کی۔
https://taghribnews.com/vdcauony049n0u1.zlk4.html
آپ کا نام
آپکا ایمیل ایڈریس
سکیورٹی کوڈ