تاریخ شائع کریں۹ مهر ۱۳۹۹ گھنٹہ ۲۱:۴۵
خبر کا کوڈ : 477502

صیہونی حکومت سے تعلقات کی بحالی توسیع پسندی کی زمین ہموار کرے گی

بحرین کی تحریک اسلامی کے سربراہ نے امریکہ و اسرائیل کو مسلمانوں کا سب سے بڑا دشمن قرار دیتے ہوئے کہا ہے کہ جو بھی اسرائیل کے ساتھ ہے اس نے خود کو امت اسلامیہ سے الگ کر لیا ہے
صیہونی حکومت سے تعلقات کی بحالی توسیع پسندی کی زمین ہموار کرے گی
بحرین کی تحریک اسلامی کے سربراہ نے امریکہ و اسرائیل کو مسلمانوں کا سب سے بڑا دشمن قرار دیتے ہوئے کہا ہے کہ جو بھی اسرائیل کے ساتھ ہے اس نے خود کو امت اسلامیہ سے الگ کر لیا ہے۔

بحرین کی تحریک اسلامی کے سربراہ آیت اللہ عیسی قاسم نے عرب اور اسلامی زمینوں پر قبضے، ملت فلسطین کی دربدری اور فلسطینیوں پر صیہونیوں کے جرائم کو غاصب صیہونی حکومت کے خلاف جدوجہد کی اہم ترین وجوہات قرار دیا۔

بحرین کی تحریک اسلامی کے رہنما نے کہا کہ صیہونی حکومت کے ساتھ ہر قسم کے تعلقات کی بحالی اسرائیل اور امریکہ کی توسیع پسندی کی زمین ہموار کرے گی اور اس کے نتیجے میں علاقے میں عدم استحکام پیدا ہوگا۔

انہوں نے مزید کہا کہ صیہونی حکومت کے ساتھ تعلقات معمول پر لانے کے خلاف ردعمل کا سلسلہ بہت مضبوط ہونا چاہئے تاکہ دیگر ممالک اس طرح کے اقدامات کی ہمت نہ کریں۔

خیال رہے کہ متحدہ عرب امارات اور بحرین نے پندرہ ستمبر کو وائٹ ہاؤس میں امریکی صدر ٹرمپ کی موجودگی میں صیہونی حکومت کے ساتھ تعلقات معمول پرلانے کے سمجھوتے پر دستخط کر دیئے ہیں۔
http://www.taghribnews.com/vdce7f8ewjh8fni.dqbj.html
آپ کا نام
آپکا ایمیل ایڈریس