بھارتی فوج کی جانب سے ایک بار پھرسیز فائر کی خلاف ورزی

بھارتی فوج کی جانب سے ایک بار پھرسیز فائر کی خلاف ورزی کی گئی جس کے نتیجے میں 3 شہری شدید زخمی ہوگئے۔

آئی ایس پی آر کے مطابق بھارتی فوج نے ایک بارپھرلائن آف کنٹرول پربیدوری سیکٹر پر بلااشتعال فائرنگ کی اور شہری آبادی کو نشانہ بنایا، جس کے نتیجے میں 3 شہری شدید زخمی ہوگئے۔ 

پاک فوج کی جانب سے بھی بھارتی اشتعال انگیزی کا موثر جواب دیا گیا اور جوابی کارروائی سے دشمن کو بھاری جانی ومالی نقصان ہوا۔

سیز فائر کی خلاف ورزی پر بھارتی سینئر سفارتکار کو دفترخارجہ طلب کیا گیا اور احتجاج بھی ریکارڈ کرایا گیا۔

واضح رہے کہ گزشتہ روزبھی بھارتی فورسز نے لائن آف کنٹرول پر بلااشتعال فائرنگ کی تھی جس کے نتیجے میں پاک فوج کا جوان شہید ہوگیا تھا۔