QR codeQR code

آیت اللہ خامنہ ای کا خط فلسطینی قوم کی آرزوؤں کے لئے ایران کی حمایت ہے

7 Jul 2020 گھنٹہ 10:46

سمعیل رضوان نے عرب نیوز چینل المیادین کے ساتھ گفتگو کرتے ہوئے کہا ہے کہ رہبر انقلاب اسلامی آیت اللہ سید علی خامنہ ای کا خط فلسطینی قوم اور اس کی آرزوؤں کے لئے ایران کی مسلسل تزویراتی حمایت کی غمازی کرتا ہے


فلسطینی مزاحمتی تحریک حماس کے مرکزی رہنما اسمعیل رضوان نے ایرانی سپریم لیڈر آیت اللہ سید علی خامنہ ای کی جانب سے حماس کو ارسال کئے گئے مکمل حمایت پر مبنی خط کی جانب اشارہ کرتے ہوئے کہا ہے کہ رہبر انقلاب اسلامی ایران آیت اللہ سید علی خامنہ ای نے اپنے خط میں فلسطینی قوم اور اس کے مزاحمتی محاذ کی مکمل حمایت کا ایک مرتبہ پھر اعلان کیا ہے۔ اسمعیل رضوان نے عرب نیوز چینل المیادین کے ساتھ گفتگو کرتے ہوئے کہا ہے کہ رہبر انقلاب اسلامی آیت اللہ سید علی خامنہ ای کا خط فلسطینی قوم اور اس کی آرزوؤں کے لئے ایران کی مسلسل تزویراتی حمایت کی غمازی کرتا ہے۔

حماس کے مرکزی رہنما اسمعیل رضوان نے المیادین کو دیئے گئے اپنے انٹرویو میں رہبر انقلاب اسلامی آیت اللہ سید علی خامنہ ای کا شکریہ ادا کرتے ہوئے کہا کہ ہم "الحاق" پر مبنی غاصب صیہونی دشمن کے تمام مذموم منصوبوں کی مکمل شکست تک مزاحمت کے رستے پر کاربند رہیں گے۔ اسمعیل رضوان نے کہا کہ ایران کی سیاسی، فوجی اور مادّی حمایت منحوس قابض قوتوں کے ساتھ مقابلے پر گہرے اثرات کی حامل ہے۔ انہوں نے تاکید کرتے ہوئے کہا کہ (مسئلۂ فلسطین کی) حمایت پر مبنی ایران کے اصولی موقف نے ہمارے اندر یہ امید استوار کر دی ہے کہ مستقبل ہمارا ہے۔ حماس کے مرکزی رہنما نے اپنی گفتگو کے آخر میں کہا کہ مغربی کنارے پر مزید قبضے کا صیہونی منصوبہ ہرگز عملی جامہ نہیں پہنے گا جبکہ اس سے مقابلے کے تمام رَستے ہماری دسترس میں ہیں۔


خبر کا کوڈ: 468425

خبر کا ایڈریس :
https://www.taghribnews.com/ur/news/468425/آیت-اللہ-خامنہ-کا-خط-فلسطینی-قوم-کی-آرزوو-ں-کے-لئے-ایران-حمایت-ہے

تقريب خبررسان ايجنسی (TNA)
  https://www.taghribnews.com