شہید برہان وانی کی چوتھی برسی یوم استقلال کے طور پر منائیں گے

مقبوضہ کشمیرمیں قابض بھارتی فورسز کی ریاستی دہشت گردی کے دوران  شہید برہان وانی کی چوتھی برسی 8 جولائی کو منائی جائے گی۔

تفصیلات کے مطابق کشمیر میڈیا سروس (کے ایم ایس) نے لکھا ہے کہ مقبوضہ کشمیر میں قابض بھارتی فورسز کی ریاستی دہشت گردی کے دوران  شہید برہان وانی کی چوتھی برسی 8 جولائی کو منائی جائے گ اس موقع پر حریت کانفرنس نے وادی میں ہڑتال کی کال دے دی ہے۔

ادھر حریت کانفرنس کا کہنا ہے کہ برہان وانی کی برسی کو یوم استقلال کے طور پر منایا جائے گا، بدھ کو برہان وانی کی برسی پر پوری وادی میں احتجاجی ہڑتال کی جائے گی۔

حریت کانفرنس نے مزید کہا کہ ہڑتال کا مقصد عالمی برادری اور اقوام متحدہ کو بھارتی مظالم کے خلاف پیغام دینا ہے۔ کشمیری سرزمین پر بھارت کا جبری قبضہ پوری طرح مسترد کرتے ہیں۔ کشمیری اپنےحق خودارادیت کے حصول کی جدوجہد جاری رکھیں گے۔