تاریخ شائع کریں۱۵ تير ۱۳۹۹ گھنٹہ ۱۹:۳۳
خبر کا کوڈ : 468251

بغداد میں امریکی سفارتخانے کا پیٹریاٹ میزائیل کا تجربہ

عراقی پارلیمنٹ کے ڈپٹی اسپیکر نے امریکہ کی جانب سے بغداد میں اپنے سفارتخانے میں پیٹریاٹ ریڈار سسٹم کے تجربے کو اشتعال انگیز اور عالمی قوانین کی خلاف ورزی قرار دیا ہے
بغداد میں امریکی سفارتخانے کا پیٹریاٹ میزائیل کا تجربہ
عراقی پارلیمنٹ کے ڈپٹی اسپیکر نے امریکہ کی جانب سے بغداد میں اپنے سفارتخانے میں پیٹریاٹ ریڈار سسٹم کے تجربے کو اشتعال انگیز اور عالمی قوانین کی خلاف ورزی قرار دیا ہے۔

فارس خبر رساں ایجنسی کی رپورٹ کے مطابق عراقی پارلیمنٹ کے ڈپٹی اسپیکر حسن کریم الکعبی کا کہنا تھا کہ بغداد میں امریکی سفارتخانے کی جانب سے رہائشی علاقے میں پیٹریاٹ میزائل سسٹم کا تجربہ نا قابل قبول ہے اور یہ اقدام دیگر غیر قانونی اقدامات کی طرح عراقی عوام کے خلاف ایک اور سازش ہے۔

ذرائع کا کہنا ہے کہ بغداد میں پیٹریاٹ میزائل سسٹم کے تجربے نے ایک عراقی بچے کی جان لے لی۔

عراقی ذرائع ابلاغ نے کل شام امریکہ کی جانب سے بغداد میں اپنے سفارتخانے میں پیٹریاٹ ریڈار سسٹم کی تعیناتی اور تجربے کی خبر دی تھی۔ اس خبر پر عراق کی سیاسی اور مذہبی جماعتوں، گروہوں اور عوام نے سخت رد عمل کا اظہار کیا جبکہ کچھ اس قسم کے ہیش ٹیگ بھی ٹرینڈ ہوئےکہ یہ امریکہ کا سفارتخانہ نہیں بلکہ فوجی اڈہ ہے۔
http://www.taghribnews.com/vdcftcdjyw6dv0a.k-iw.html
آپ کا نام
آپکا ایمیل ایڈریس