امریکہ کا ایران پر غیر قانونی ایٹمی سرگرمیاں جاری رکھنے کا الزام
ایران مشرق وسطی میں امن کی کوششوں کو نقصان پہنچا رہا ہے۔ برائن ہک کا الزام
شیئرینگ :
امریکہ نے ایران پر غیر قانونی ایٹمی سرگرمیاں جاری رکھنے کا الزام لگاتے ہوئے کہا کہ اقوام متحدہ سمیت اہم عالمی فورمز پر ایران کے خلاف کاروائیوں میں تیزی لائی جائے گی۔
صدر ٹرمپ کے ایران کے لئے نمائندے برائن ہک نے کہا کہ ایران مشرق وسطی میں امن کی کوششوں کو نقصان پہنچا رہا ہے۔
سعودی عرب کے مشیر خارجہ کے ساتھ مشترکہ پریس کانفرنس کے دوران برائن ہک نے کہا کہ یمن اور شام میں ایران کی تخریبی سازشوں کی وجہ سے قیام امن کا معاملہ کھٹائی میں پڑگیا ہے۔
انصاراللہ اور حزب اللہ جیسی تنظیموں کو ایران کے تعاون سے خطے میں کاروائیوں کا موقع مل رہا ہے۔
ٹرمپ کے نمائندے نے مزید کہا کہ ایران کی جانب سے توانائی ایجنسی کو حساس مقامات کے معائنے کی اجازت نہ دینا انتہائی تشویشناک ہے۔ امریکہ سعودی عرب اور دوسرے دوست ممالک کے ساتھ مل کر ایران کے عزائم کو ناکام بنائے گا۔