یمن کی نام نہاد جنوبی کونسل کا اسرائیل کو تسلیم کرنے کا اعلان
کونسل کے نائب سربراہ ہانی بن بریک نے اسرائیل کو ناجائز اور غاصب تسلیم کرنے سے انکار کرتے ہوئے کہا کہ اسرائیل موجودہ سرزمین پر جائز وجود رکھتا ہے
شیئرینگ :
یمن کی تقسیم اور جنوبی علاقوں پر مشتمل الگ ملک کی تشکیل کے حامی گروہ جنوبی کونسل نے فلسطین پر غاصبانہ قبضہ کرنے والی صہیونی ریاست اسرائیل کے ساتھ تعلقات کا اعتراف کرتے ہوئے کہا کہ عبوری کونسل کو اسرائیل سمیت کسی بھی ملک یا مذہب کے ساتھ تعلقات قائم کرنے میں کوئی مشکل پیش نہیں آئے گی۔
کونسل کے نائب سربراہ ہانی بن بریک نے کہا کہ جنوبی کونسل ہر اس ملک کے ساتھ تعلقات قائم کرے گی جو جنوبی یمن میں مستقل اور خودمختار ملک کے قیام کی حمایت کرے۔ انہوں نے اسرائیل کو ناجائز اور غاصب تسلیم کرنے سے انکار کرتے ہوئے کہا کہ اسرائیل موجودہ سرزمین پر جائز وجود رکھتا ہے۔
یاد رہے کہ ہانی بن بریک ماضی میں متنازع بیانات کی وجہ سے تنقید کا شکار بنے ہیں۔ انہوں نے رمضان المبارک میں کونسل کے جنگجووں کے لئے روزہ کھانے کا جائز قرار دیا تھا۔ علاوہ ازین کونسل کے اسی مفتی نے یمنی جوانوں کا قتل جائز قرار دیتے ہوئے سیکورٹی دستوں کو مخالفین کے قتل پر اکسایا تھا۔