تاریخ شائع کریں۲۲ خرداد ۱۳۹۹ گھنٹہ ۱۹:۵۳
خبر کا کوڈ : 465630

روس اور چین کا امریکہ کے عزائم کو روکنے کے خلاف قیام کا فیصلہ

روس اور چین نے امریکہ کے عزائم کو روکنے کے لئے متفقہ ایجنڈا لانے پر اتفاق کرلیا ہے۔
روس اور چین کا امریکہ کے عزائم کو روکنے کے خلاف قیام کا فیصلہ
ایران کے ایٹمی معاملات پر اقوام متحدہ اور عالمی طاقتوں کے ساتھ ہونے والے معاہدے کے تحت ہتھیاروں کے معاملے میں ایران پر عائد پابندیاں رواں سال کے اواخر میں ختم ہورہی ہیں۔

امریکہ مذکورہ مدت کے ختم ہونے کے بعد پابندیوں میں توسیع کا خواہاں ہے۔ خود کو معاہدے سے الگ کرنے کے بعد امریکہ کا رویہ معاہدے میں شریک ممالک کو قبول نہیں ہے۔

روس اور چین نے امریکہ کے عزائم کو روکنے کے لئے متفقہ ایجنڈا لانے پر اتفاق کرلیا ہے۔ رائٹرز کے مطابق دونوں ممالک کے وزرائے خارجہ نے خط کے ذریعے رابطہ کرکے امریکہ کو اس معاملے پر کوئی ایجنڈے لانے سے روکنے پر اتفاق کرلیا ہے۔

چینی وزیرخارجہ وانگ یی اور روسی وزیرخارجہ سرگئی لاروف نے اس سلسلے میں اقوام متحدہ کے سربراہ کو خط بھی ارسال کیا ہے۔

انٹونیو گوتریش کو لکھے گئے خطوط میں دونوں ممالک کے وزرائے خارجہ نے کہا ہے کہ 2018 میں صدر ٹرمپ کی جانب سے امریکہ کو معاہدے سے یکطرفہ طور پر خارج کرنے کے بعد امریکہ کو اس معاملے میں مداخلت کرنے کا کوئی حق حاصل نہیں ہے۔
http://www.taghribnews.com/vdcdsk0ozyt0996.432y.html
آپ کا نام
آپکا ایمیل ایڈریس