مولوی محمد رفیق قاسمی کے انتقال پر حجت الاسلام حمید شہریاری کا تعزیتی پیغام
امام خمینی رح اور مقام معظم رہبری حفظہ اللہ تعالی سے اس برجستہ خطیب اور عالم دین کی محبت اور عقیدت کسی سے ڈھکی چھپی نہیں ہے۔ انہوں نے حقیقی اسلام کے دفاع اور امت مسلمہ کے وحدت میں توسیع کے لئے جہد مسلسل انجام دی اور اپنے آپ کو امت واحدہ کے حقیقی مفہوم کو بیان کرنے کے لئے اپنی پر بار زندگی کو وقف کردیا
شیئرینگ :
بھارت کی معروف مذہبی شخصیت مولوی محمد رفیق قاسمی کے انتقال پر عالمی مجلس تقریب مذاہب اسلامی کے سیکرٹری جنرل نے تعزیتی پیغام ارسال کیا ہے۔
تقریب نیوز کے مطابق عالمی مجلس تقریب مذاہب اسلامی کے سیکرٹری جنرل حجت الاسلام و المسلمین حمید شہریاری نے بھارت کی سرگرم مذہبی تنظیم جماعت اسلامی کے سابق سیکرٹری جنرل مولوی محمد رفیق قاسمی کے انتقال پر گہرے دکھ اور درد کا اظہار کیا ہے۔
حجت الاسلام شہریاری کا تعزیتی پیغام درج ذیل ہے:
بسم الله الرحمن الرحیم
انا لله و انا الیه راجعون
بزرگ عالم دین اور مفکر جماعت اسلامی کے سابق سیکرٹری جنرل اور بھارت میں اتحاد و یگانگت کے علم بردار جناب مولوی محمد رفیق قاسمی مرحوم کے انتقال کی افسوس ناک خبر ہمارے لئے باعث رنج و غم ہے۔
امام خمینی رح اور مقام معظم رہبری حفظہ اللہ تعالی سے اس برجستہ خطیب اور عالم دین کی محبت اور عقیدت کسی سے ڈھکی چھپی نہیں ہے۔ انہوں نے حقیقی اسلام کے دفاع اور امت مسلمہ کے وحدت میں توسیع کے لئے جہد مسلسل انجام دی اور اپنے آپ کو امت واحدہ کے حقیقی مفہوم کو بیان کرنے کے لئے اپنی پر بار زندگی کو وقف کردیا۔
میں اس عظیم شخصیت کے ناقابل تلافی فقدان پر بھارت کے مسلمانوں، جماعت اسلامی کے سربراہ اور محترم اراکین اور خاص طور پر ان کے شاگردوں کی خدمت میں تعزیت پیش کرتا ہوں اور اس بات کی قوی امید کرتا ہوں کہ اس عظیم اور جلیل القدر عالم دین کے پیروکار اور شاگرد ان کی روشن سیرت کو جاری رکھیں گے کہ یہی وحدت اور مسلمانوں کے درمیان ہمدلی ہے۔
حمید شہریاری
سیکرٹری جنرل عالمی مجلس تقریب مذاہب اسلامی
قابل ذکر ہے کہ مولوی محمد رفیق قاسمی بھارت کی معروف مذہبی تنظیم جماعت اسلامی کے سابق سیکرٹری جنرل تھے اور آپ اسلامی وحدت کے فروغ اور اسی طرح ایران کے اسلامی انقلاب کے سخت حامی اور رہبر معظم انقلاب اسلامی کے حامیوں میں شمار کئے جاتے تھے۔ آپ ۶ جون ۲۰۲۰ کو اس دار فانی سے رحلت فرماگئے۔