تاریخ شائع کریں۱۷ خرداد ۱۳۹۹ گھنٹہ ۲۰:۱۲
خبر کا کوڈ : 465092

یمن؛ جنوبی کونسل نے مستعفی حکومت کے ساتھ مذاکرات کا سلسلہ ختم کرنے کا اعلان کردیا

مستعفی حکومت جنوبی علاقوں میں سیاسی عمل کے اجراء میں سنجیدہ نہیں ہے:ترجمان جنوبی کونسل
یمن؛ جنوبی کونسل نے مستعفی حکومت کے ساتھ مذاکرات کا سلسلہ ختم کرنے کا اعلان کردیا
یمن کے جنوبی علاقوں میں سعودی عرب سے وابستہ مستعفی صدر منصور ہادی اور متحدہ عرب امارات کی حامی جنوبی کونسل کے درمیان کئی عرصے سے اختیارات کی جنگ چل رہی ہے۔

فریقین نے عدن سمیت اہم شہروں پر کنٹرول حاصل کرنے کے  لئے ایک دوسرے پر حملے کئے ہیں۔

سعودی عرب اور متحدہ عرب امارات نے انصاراللہ کے خلاف مشترکہ کاروائی کے لئے دونوں متحارب جماعتوں کے درمیان اور مذاکرات کی کوشش کی لیکن تاحال کوئی قابل ذکر کامیابی نہیں ملی ہے۔

تازہ ترین اطلاعات کے مطابق جنوبی کونسل نے مستعفی حکومت کے ساتھ مذاکرات کا سلسلہ ختم کرنے کا اعلان کردیا ہے۔

کونسل کے ترجمان نزار ہیثم نے الخبرالیمنی کو بتایا کہ مستعفی حکومت جنوبی علاقوں میں سیاسی عمل کے اجراء میں سنجیدہ نہیں ہے۔

ترجمان نے سعودی عرب کے دورے پر گئے کونسل کے سربراہ عیدروس الزبیدی کو سعودی حکام کی جانب سے نظربند کرنے کی خبروں کی تصدیق کرتے ہوئے کہا کہ سعودی عرب کے مطالبات کو ماننے سے انکار کرنے کے  بعد ریاض نے عیدروس کو نظربند کردیا ہے۔
آپ کا نام
آپکا ایمیل ایڈریس