تاریخ شائع کریں۱۷ خرداد ۱۳۹۹ گھنٹہ ۱۸:۰۰
خبر کا کوڈ : 465076

کرونا وبا کی وجہ سے دنیا کی معیشت تباہ ہوگئی ہے ، وزیراعظم پاکستان

لاک ڈاون کرونا کا حل نہیں ہے اس لیے دیگرممالک بھی لاک ڈاون کو کھول رہے ہیں۔ وزیراعظم پاکستان
کرونا وبا کی وجہ سے دنیا کی معیشت تباہ ہوگئی ہے ، وزیراعظم  پاکستان
پاکستان کے وزیراعظم عمران خان کا کہنا ہے کہ کرونا وبا کی وجہ سے دنیا کی معیشت تباہ ہوگئی ہے جس کی وجہ سےقرض دینے والے ممالک بھی خود مقروض ہوگئے ہیں۔

وزیراعظم پاکستان عمران خان نے کورونا وائرس کے تناظر میں کہا ہے کہ ابھی مزید سخت چیلنجز کا سامنا کرنا ہوگا جس کی وجہ سے ملک لاک ڈاﺅن کو برداشت نہیں کرسکتا تاہم زیادہ متاثر ہونے والے علاقوں کو بند بھی کیا جاسکتا ہے۔

رپورٹ کے مطابق،  ٹائیگر فورس کے رضاکاروں سے خطاب کرتے ہوئے وزیراعظم عمران خان نے کہا ہے کہ لاک ڈاون کرونا کا حل نہیں ہے اس لیے دیگرممالک بھی لاک ڈاون کو کھول رہے ہیں۔

وزیراعظم پاکستان عمران خان نے ملک کی معاشی صورت حال کا ذکر کرتے ہوئے کہا کہ ہماری معیشت کو بھی کورونا وائرس سے دھچکا پہنچا ہے، ریونیو 800 ارب روپے کم ہوگئے ہیں۔

جب کہ پچھلی حکومتوں کے لیے قرضوں پر بھی ہمیں 5 ہزار ارب سود ادا کرنا پڑا ہے۔ بجٹ میں اپنے اخراجات کم کرنے اور ریونیو بڑھانے پر غور کیا جا رہا ہے۔

وزیراعظم پاکستان کا مزید کہنا تھا کہ کورونا کو پھیلنے سے نہیں روک سکتے، لاک ڈاﺅن کے دوران غریبوں کو احساس پروگرام کے تحت رقوم کی فراہمی نہیں کرتے تو حالات آج زیادہ خراب ہوتے۔

مخصوص علاقوں میں لاک ڈاﺅن کو سخت بھی کیا جا سکتا ہے اور اگر وہاں خوراک کی کمی کا سامنا ہوا تو ٹائیگر فورس کھانا پہنچائے گی۔

وزیراعظم پاکستان عمران خان نے ٹائیگر فورس کے رضاکاروں کو وبا کے دوران ایس او پیز پر عمل درآمد کرانے پر خراج تحسین پیش کرتے ہوئے کہا کہ ہم نے مساجد کھولیں اور ٹائیگر فورس نے مساجد میں ایس او پیز کو یقینی بنایا جس کی وجہ سے کورونا مساجد سے نہیں پھیلا۔ اب ٹائیگر فورس کو مزید ذمہ داریاں بھی نبھانی ہوگئیں۔

اس موقع پر وزیراعظم عمران خان نے ٹائیگر فورس کے لیے کارڈ کے اجراءکا عندیہ دیتے ہوئے کہا کہ ٹائیگر فروس کو ٹڈی دل کی زد میں آنے والے علاقوں میں بھی امدادی کام کرنے ہوں گے اسی طرح شجر کاری مہم میں بھی یہ فورس اپنا کردار ادا کرے گی۔

ٹائیگر فورس ذخیرہ اندوزوں کے خلاف کارروائی اور یوٹیلٹی اسٹورز کے مسائل سے بھی حکومت کو آگاہ کرے گی۔
آپ کا نام
آپکا ایمیل ایڈریس