خلیج فارس کی سلامتی خطے کے ممالک کا مشترکہ مفاد ہے

اسلامی جمہوریہ ایران کے وزیر دفاع نے خلیج فارس کی سلامتی کو خطے کے ممالک کا مشترکہ مفاد قرار دیا ہے۔

بریگیڈیئر جنرل "امیر حاتمی" نے جمعہ کے روز جنوبی شہر بندر عباس میں محکمہ دفاع کی سمندری صنعتوں کے دورے کے موقع پر کہا کہ اس علاقے کے ممالک سلامتی کی فراہمی کے ذمہ دار ہیں اور پڑوسیوں کی جانب سے خطے میں امریکہ کا داخلہ ایک اسٹریٹجک غلطی ہے۔

انہوں نے "دنا" بحری جنگی جہاز کو دنیا کا ایک جدید ترین بحری جہاز قرار دیتے ہوئے مزید کہا کہ امید ہے کہ جدید ترین نظاموں کی تکمیل اور حتمی سازو سامان کی مدد سے ، اسے جلد اسلامی جمہوریہ ایران کی فوج کی اسٹریٹجک بحریہ کے حوالے کیا جائے گا۔
جنرل حاتمی نے میری ٹائم انڈسٹریز آرگنائزیشن کی جانب سے "صبا" نامی میرا شکار جہاز کی تعمیر کو ایرانی بحریہ کے اعزاز میں قرار دیتے ہوئے کہا کہ میرا شکار صبا علاقائی پانیوں میں متعدد سمندری بارودی سرنگوں کی شناخت اور اسے تباہ کرنے کا ذمہ دار ہے۔