پاکستان میں کورونا ریلیف ٹائیگر فورس کی عالمی سطح پر پذیرائی
برطانوی اخبار ٹیلی گراف نے ٹائیگر فورس سے متعلق اپنے آرٹیکل میں لکھا ہے کہ مشکل وقت میں پاکستان نے سب سے بڑے وسائل کو استعمال کیا،قومی جذبے سے سرشار نوجوانوں پر مشتمل ٹائیگر فورس بنائی گئی ہے
شیئرینگ :
پاکستان میں کورونا ریلیف ٹائیگر فورس کی عالمی سطح پر بھی زبردست پذیرائی ہو رہی ہے۔
برطانوی اخبار ٹیلی گراف نے ٹائیگر فورس سے متعلق اپنے آرٹیکل میں لکھا ہے کہ مشکل وقت میں پاکستان نے سب سے بڑے وسائل کو استعمال کیا،قومی جذبے سے سرشار نوجوانوں پر مشتمل ٹائیگر فورس بنائی گئی ہے۔
فورس میں لاکھوں نوجوان رضا کارانہ طور پر شامل ہیں۔ اخبار نے مزید لکھا ہے کہ پاکستان کی دو تہائی آبادی نوجوانوں پر مشتمل ہے۔سول رضا کاروں پر مشتمل فورس غریبوں تک امداد پہنچائے گی۔
پاکستان کے وفاقی وزیراطلاعات سینیٹرشبلی فرازکا کہنا ہے کہ نوجوان قومی جذبے سے سرشارہوکر کورونا کے خلاف جنگ میں عوام کی مدد کررہے ہیں۔
سینیٹرشبلی فرازنے کہا کہ وزیراعظم عمران خان کے عوام کی خدمت کیلئے ٹائیگرفورس کے قیام کی تعریف دنیا کررہی ہے، نوجوان قومی جذبے سے سرشارہوکرکورونا کے خلاف جنگ میں عوام کی مدد کررہے ہیں۔
وفاقی وزیراطلاعات نے کہا کہ نوجوانوں میں آسانیاں بانٹ رہے ہیں، رضاکارانہ جذبوں سے لیس یہ نوجوان قوم کا فخرہیں۔