تاریخ شائع کریں2020 7 May گھنٹہ 00:00
خبر کا کوڈ : 461690

ایران میں کورونا وائرس سے صحتیاب ہونے والوں کی تعداد میں اضافہ

اب تک کورونا وائرس میں مبتلا اکیاسی ہزار پانچ سو ستّاسی مریض صحتیاب ہو کر اسپتالوں سے ڈسچارج کئے جا چکے ہیں:ڈاکٹر کیانوش جہانپور
ایران میں کورونا وائرس سے صحتیاب ہونے والوں کی تعداد میں اضافہ
ایران میں کورونا وائرس سے صحتیاب ہونے والوں کی تعداد میں اضافے اور نئے مریضوں کی تعداد میں کمی کا سلسلہ جاری ہے۔

ایران کی وزارت صحت کے شعبہ تعلقات عامہ کے سربراہ ڈاکٹر کیانوش جہانپور نے بدھ کے روز نامہ نگاروں سے گفتگو کرتے ہوئے اعلان کیا ہے کہ اب تک کورونا وائرس میں مبتلا اکیاسی ہزار پانچ سو ستّاسی مریض صحتیاب ہو کر اسپتالوں سے ڈسچارج کئے جا چکے ہیں۔

انہوں نے کہا کہ گذشتہ چوبیس گھنٹے کے دوران کورونا کے ایک ہزار، چھے سو اسّی نئے کیس سامنے آئے ہیں جبکہ مجموعی طور پر ایران میں اب تک ایک لاکھ ایک ہزار چھے سو پچاس افراد کورونا وائرس میں مبتلا ہوئے ہیں۔

ڈاکٹر کیانوش جہانپور نے کہا کہ گذشتہ چوبیس گھنٹے کے دوران مزید اٹھہتر افراد جاں بحق ہوئے ہیں جس کے بعد مرنے والوں کی کل تعداد بڑھ کر چھے ہزار چار سو اٹھارہ ہوگئی ہے۔

واضح رہے کہ دنیا بھر میں اب تک سینتیس لاکھ چالیس ہزار سے زائد  افراد کورونا وائرس میں مبتلا ہو چکے ہیں جن میں سے دو لاکھ اٹھاون ہزار مریض، موت سے ہمکنار اور بارہ لاکھ اڑتالیس ہزار صحتیاب ہو کر اسپتالوں سے ڈسچارج ہونے میں کامیاب رہے۔
https://taghribnews.com/vdcf1ydjxw6dvva.k-iw.html
آپ کا نام
آپکا ایمیل ایڈریس
سکیورٹی کوڈ