تاریخ شائع کریں2020 28 April گھنٹہ 02:43
خبر کا کوڈ : 460507

کورونا وائرس : سمندر پار 22 ہزارسے زائد پاکستانی بے روزگار

متحدہ عرب امارات میں ساڑھے 17 ہزار اور سعودی عرب میں ایک ہزار سے زائد مزدور پیشہ ملازمتوں سے برخاست ہوچکے ہیں
کورونا وائرس : سمندر پار 22 ہزارسے زائد پاکستانی بے روزگار
پاکستان: اسلام آباد،  کورونا وائرس وبا کے پھیلاؤ سے پیدا ہونے والے عالمی معاشی بحران کے باعث 22 ہزارسے زائد سمندر پار پاکستانی بے روزگار ہوگئے ہیں۔

متحدہ عرب امارات میں ساڑھے 17 ہزارمزدور پیشہ  پاکستانی ملازمتوں سے فارغ ہوگئے جب کہ قطر سے 691  اور اومان سے 600 پاکستانی ملازمتوں سے فارغ ہوئے۔اس کے علاوہ سعودی کمپنیوں نے 1 ہزار 245 پاکستانیوں کو ملازمت سے برخاست کیا۔

واضح رہے کہ کورونا وائرس کی وبا کے باعث عالمی بینک نے بین الاقوامی سطح پر ترسیلات زر میں 20فصد کمی کا خدشہ ظاہر کیا تھا اور جنوبی ایشیائی ممالک میں شرح 22فی صد تک ہونے کا اندازہ ظاہر کیا تھا۔

کورونا کی وبا کے باعث دنیا بھر میں لاک ڈاون ، صنعتی پیداوار اور منڈیاں  بند ہونے کی وجہ سے روزگار کے مواقع کو شدید خطرات لاحق ہیں۔

عالمی بینک پہلے ہی اپنی رپورٹ میں خبردار کرچکا ہے کہ تیل کی قیمتوں میں کمی کے باعث خلیجی ممالک سے ترسیلات میں واضح کمی واقع ہوگی۔

جبکہ لاک ڈاون کی وجہ سے امریکا، برطانیہ اور یورپی ممالک سے ترسیلات زر میں کمی کے خدشات کا اظہار کیا تھا۔عالمی بینک نے جنوبی ایشیا میں ترسیلات زر 22 فیصد کمی سے 109ارب ڈالر رہنے کا امکان ظاہر کیا تھا۔
https://taghribnews.com/vdcbggbazrhb0sp.kvur.html
آپ کا نام
آپکا ایمیل ایڈریس
سکیورٹی کوڈ