ترکی میں کورونا وائرس کے نئے کیسز سامنے آنے کے بعد کورونا وائرس میں مبتلا افراد کی تعداد 23 ہزار سے زائد ہوگئی جبکہ مرنے والوں کی تعداد 500 سے اوپر پہنچ چکی ہے۔
مہر خبررساں ایجنسی نے آناتولی کے حوالے سے نقل کیا ہے کہ ترکی میں کورونا وائرس کے نئے کیسز سامنے آنے کے بعد کورونا وائرس میں مبتلا افراد کی تعداد 23 ہزار سے زائد ہوگئی جبکہ مرنے والوں کی تعداد 500 سے اوپر پہنچ چکی ہے۔ ترکی میں کورونا وائرس کے 3013 نئے کیسز سامنے آئے ہیں جس کے بعد مریضوں کی مجموعی تعداد 23 ہزار 934 ہوگئی ہے۔ کورونا وائرس کے اتنے مریضوں کے ساتھ ترکی اس وبا سے متاثر ہونے والا دنیا کا آٹھواں بڑا ملک بن گیا ہے۔ترکی میں ہفتے کو کورونا وائرس سے 76 ہلاکتیں ہوئیں جس سے مرنے والوں کی مجموعی تعداد 501 ہوگئی ہے۔