امریکہ کورونا وائرس کی آڑ میں چین کی خلاف سازش کررہا ہے
چین کے وزیر خارجہ وانگ ای نے میونخ سیکورٹی کانفرنس کے موقع پر کہا
چین کے وزیر خارجہ نے خبردار کیا ہے کہ اگر امریکہ نے کورونا وائرس کو کنٹرول کرنے کے لئے چین کی کوششوں کے خلاف کوئی قدم اٹھایا تو اس سے دوفریقی تجارتی معاہدے کو نقصان پہنچے گا
شیئرینگ :
چین کے وزیر خارجہ نے خبردار کیا ہے کہ اگر امریکہ نے کورونا وائرس کو کنٹرول کرنے کے لئے چین کی کوششوں کے خلاف کوئی قدم اٹھایا تو اس سے دوفریقی تجارتی معاہدے کو نقصان پہنچے گا۔
ارنا کی رپورٹ کے مطابق چین کے وزیر خارجہ وانگ ای نے میونخ سیکورٹی کانفرنس کے موقع پر کہا کہ واشنگٹن نے مسائل پیدا کئے ہیں اور امریکہ و چین کے درمیان سفر کو روک رہا ہے اور اس سے دونوں ملکوں کے درمیان ابتدائی تجارتی معاہدے پر عمل درآمد میں مشکلات کھڑی ہو رہی ہیں۔ چین کے وزیر خارجہ نے خبردار کرتے ہوئے کہا کہ واشنگٹن کو کورونا وائرس کا مقابلہ کرنے کے بہانے ایسے اقدامات کرنے کا حق نہیں جن سے سیرو سیاسحت اور تجارت خطرے میں پڑ جائے اور محدود ہوجائے۔ وانگ ای نے کہا کہ کورونا وائرس چین کے لئے ایک بڑا چیلنج ہے لیکن وہ اسے کنٹرول کرنے کی کوشش کر رہا ہے اور اسے کامیابی بھی ملی ہے۔ امریکہ دنیا کا پہلا ملک ہے جس نے کورونا وائرس پھیلنے کے بعد چینی شہریوں پر امریکہ میں داخل ہونے پر پابندی عائد کر دی ہے۔ چین کی وزارت صحت کی رپورٹ کے مطابق کورونا وائرس سے اب تک ایک ہزار پانچ سو تیئیس چینی شہری ہلاک ہو چکے ہیں جبکہ چھیاسٹھ ہزار چار سو بانوے چینی اس وائرس کا شکار ہیں۔