حافظ سعید کو دہشت گردی کی مالی معاونت کے جرم میں 11 سال قید

پاکستان میں انسداد دہشت گردی کی ایک عدالت نے کالعدم جماعت الدعوۃ کے سربراہ حافظ سعید کو دومقدمات میں مجموعی طور پر گیارہ سال قید کی سزا سنا دی ہے
میڈیا رپورٹوں کے مطابق لاھور میں انسداد دہشت گردی کی عدالت نے کالعدم جماعت الدعوی کے سربراہ حافظ سعید کے خلاف چھے فروری کو محفوظ کیا گیا فیصلہ سنادیا ہے۔ مذکورہ عدالت نے اپنے فیصلے میں انسداد دہشت گردی کے قانون کی مختلف دفعات کے تحت ساڑھے پانچ پانچ سال قید اور پندرہ، پندرہ ہزار روپئے جرمانہ عائد کیا ہے۔حافظ سعید کو سی ٹی ڈی پنجاب نے دہشت گردی کی مالی معاونت کے الزام میں سترہ جولائی دوہزار انیس گوجرانوالہ سے گرفتار کیا تھا۔گزشتہ سال فائنانشل ایکشن ٹاسک فورس ایف اے ٹی ایف نے پاکستان کو تنبیہ کرتے ہوئے دہشت گردوں کی مالی معاونت اور منی لانڈرنگ میں ملوث افراد اور تنظیموں کے خلاف کاروائی کا مطالبہ کیا تھا۔