دہلی انتخابات میں عام آدمی پارٹی اور بی جے پی میں سخت مقابلہ

دہلی اسمبلی کے انتخابات کے لئے کل سخت سکیورٹی میں پولنگ ہو گی۔
ہندوستان کے دارالحکومت دہلی اسمبلی کی 70 نشستوں کے لیے آٹھ فروری کو ہونے والی پولنگ کے لیے دو ہفتوں سے جاری انتخابی مہم  کل جمعرات کی شام چھ بجے ختم ہو گئی انتخابی مہم ابتدامیں سست تھی لیکن مختلف پارٹیوں کےبڑے لیڈروں کے میدان میں آنے کی سے یہ شدت اختیار کر گئی۔ سڑک، بجلی، پانی، تعلیم اور صحت جیسے بنیادی مسائل سے شروع ہونے والی انتخابی تشہیرآخری دور میں پہنچتے پہنچتےقوم پرستی(نیشنلزم) اور فرقہ واریت کے رنگ میں رنگ گئی۔ شہریت (ترمیمی) قانون (سی اے اے)کی مخالفت میں شاہین باغ میں جاری احتجاجی دھرنا تشہیر کی تھیم سی بن گئی ۔ رہنماؤں کے درمیان الزام تراشیوں کا سلسلہ اتنا تیز اور جارحانہ ہو گیا کہ الیکشن کمیشن کو مداخلت کرنا پڑا۔
اس بار کے اسمبلی انتخابات میں عام آدمی پارٹی (اے اے پی) جہاں اپنی حکومت کو بچانے کے لیے وزیراعلیٰ اروند کیجریوال کی قیادت میں مصروف تھی تو وہیں 21 سال سے دہلی کے اقتدار سے خارج بھارتیہ جنتا پارٹی (بی جے پی) نے بھی پوری طاقت لگا دی۔ پندرہ سال تک دہلی پر حکومت کرنے والی کانگریس بھی اپنی کھوئی ہوئی حیثیت کو دوبارہ حاصل کرنے میں کوئی کسر نہیں چھوڑرہی ہے۔
قابل ذکر ہے کہ کل کے انتخابات کام کام کا نعرہ بلند کرنے والی کیجریوال حکومت کے لیے بڑی آزمائش ہے۔