کرونا وائرس سے متاثر چین کے علاقوں میں مقیم ہندوستانی شہریوں کی واپسی کاعمل شروع کردیا گیا ہے
ہندوستان نے کورونا وائرس سے متاثر چین کے شہر ووہان اور صوبہ ہوبی سے اپنے تمام شہریوں کے انخلا کا اعلان کردیا ہے۔
شیئرینگ :
ہندوستان نے کورونا وائرس سے متاثر چین کے شہر ووہان اور صوبہ ہوبی سے اپنے تمام شہریوں کے انخلا کا اعلان کردیا ہے۔
نئی دہلی میں ہندوستان کی وزارت خارجہ کے ترجمان رویش کمار نے بتایا ہے کہ کرونا وائرس سے متاثر چین کے علاقوں میں مقیم ہندوستانی شہریوں کی واپسی کاعمل شروع کردیا گیا ہے۔انہوں نے بتایا کہ اس وقت ساڑھے تین سو کے قریب ہندوستانی شہری چین کے شہر ووھان میں موجود ہیں اور حکومت ہندوستان نے ان کے انخلا کے لیے چین سے تعاون کی درخواست کی ہے۔ہندوستانی حکام کا کہنا ہے کہ چین سے حال ہی میں واپس آنے والے تین ہندوستانی شہریوں کو کورونا وائرس میں مبتلا ہونے کے شبہے میں اسپتال میں بھرتی کردیا گیا ہے جبکہ انتہائی زیادہ بخار میں مبتلا ایک چینی شہری کو کولکتہ کے ایک اسپتال میں داخل کرایا گیا ہے۔چین کے نیشنل ہیلتھ کمیشن کے جاری کردہ اعداد و شمار کے مطابق ملک میں کورونا وائرس سے ہلاک ہونے والوں کی تعداد ایک سو چھے ہوگئی ہے، جبکہ اس مہلک بیماری میں مبتلا مریضوں کی تعداد ساڑھے چار ہزار سے تجاوز کرگئی ہے۔