یورپی یونین کی خارجہ پالیسی کے نئے سربراہ نے اس بات پر زور دیا ہے کہ ایران اور عالمی طاقتوں کے درمیان موجودہ جوہری معاہدے کو ہر حال میں باقی رکھنا ہوگا اور اس کے لئے تمام فریقین کو اپنا کردار ادا کرنا چاہئیے۔
یورپی یونین کی خارجہ پالیسی کے نئے سربراہ جوزف بورل نے گزشتہ روز ہسپانوی اخبار ایل پیس( El País) کوانٹرویو دیتے ہوئے اس بات پر زور دیا کہ ایران اور عالمی طاقتوں کے درمیان موجودہ جوہری معاہدے کو ہر حال میں باقی رکھنا ہوگا اور اس کے لئے تمام فریقین اپنا کردار ادا کریں.
انہوں نے جوہری معاہدے کو باقی رکھنے کے لئے ہر ممکن کوشش کرنے کی ضرورت پر زور دیتے ہوئے فریقین سے کہا کہ اس سلسلے میں بھرپور اقدام کریں.
جوزف بورل نے کہا کہ ہم عالمی جوہری ڈیل کے تحفظ کے لیے سب سے زیادہ دلچسپی رکھتے ہیں ۔
قابل ذکر ہے کہ یورپی پارلیمنٹ نے بدھ کو اسپین کے سابق وزیر خارجہ جوزف بورل کی یورپی یونین کے خارجہ امور کے انچارج کے عہدے پر تقرری کی توثیق کی تھی۔