ایران کی دشمن کے خلاف دباو کی پالیسی ناکام ہوچکی ہے

اسلامی جمہوریہ ایران کے صدر نے کہا ہے کہ دشمن ایرانی عوام پر زیادہ سے زیادہ دباؤ ڈالنے کی اسٹریٹیجی سے مایوس ہوگئے ہیں
صدر مملکت ڈاکٹر حسن روحانی منگل کو ایران کی انٹیلی جینس کے وزیر اور اس وزارت کے اعلی عہدیدروں سے خطاب کرتے ہوئے کہا کہ دشمنوں نے بھی اب یہ تسلیم کرلیا ہےکہ ایران کے خلاف زیادہ سے زیادہ دباؤ ڈالنے کی پالیسی اور اسٹریٹیجی ناکام ہوچکی ہے اور اب ایرانی عوام کے سلسلے میں اس روش کو ترک کردینا چاہئے ۔ انہوں نے کہا کہ انٹیلی جینس کی وزارت اسلامی نظام کا اہم ترین سرمایہ ہے - صدر مملکت ڈاکٹر حسن روحانی نے کہا کہ انٹیلیجینس کی وزارت کی اصل ذمہ داری نظام ، ملک اور قومی مفادات کا تحفظ کرنا ہے ۔ انہوں نے اس بات پر زور دیتے ہوئے کہ ایران کے عوام نے دشمنوں کی زیادہ سے زیادہ دباؤ ڈالنے کی اسٹریٹیجی کے مقابلے میں عظیم قربانی اور فداکاری کا مظاہرہ کیا ہے اور اس سخت اور دشوار امتحان میں سرخرو ہوئے ہیں کہا کہ ایرانی عوام نے ثابت کردیا کہ وہ ہوشیار ہیں اور دباؤ اور مشکلات کے اسباب کو پہنچانتے ہیں - صدر ڈاکٹر حسن روحانی نے ملک کی اقتصادی صورتحال کا ذکرکرتے ہوئے کہا کہ ایرانی عوام کے خلاف غیر معمولی دشمنیوں اور مشکلات کے باوجود پچھلے چند مہینے کے دوران اقتصادی شرح نمو میں بہتری آئی ہے اور اس سلسلے میں انٹیلی جینس کی وزارت کا کردار بھی اہم رہا ہے -