انتخابات میں ٹرمپ کے ساتھ کسی قسم کا کوئی رابطہ نہیں ہوا تھا

روس کے صدر پوتن نے امریکی انتخابات میں ماسکو کی مداخلت کے بارے میں واشنگٹن کے حکام کے الزامات کو مسترد کردیا ہے
روسی صدر ولادیمیرپوتن نے این بی سی سے گفتگو میں کہا کہ دوہزار سولہ کے امریکا کے صدارتی انتخابات میں ٹرمپ کے ساتھ کسی قسم کا کوئی رابطہ نہیں ہوا تھا - روسی صدر نے کہا کہ دوہزار سولہ کے صدارتی انتخابات کے تفتیشی افسر رابرٹ مولر کی تحقیقات سے بھی ثابت ہوگیا کہ ٹرمپ سے میرا کوئی لینادینا نہیں تھا لیکن ان دعوؤں کی وجہ سے روس کے خلاف پابندیاں عائد کی گئیں ۔ رابرٹ مولر نے کچھ عرصے قبل دوہزار سولہ کے صدارتی انتخابات کے بارے میں اپنی تحقیقات مکمل کرلیں اور روس کے ساتھ ٹرمپ کی انتخابی ٹیم کے رابطون کی رپورٹ امریکی وزیرقانون ویلیم بار کے حوالے کردی - رابرٹ مولر کی رپورٹ میں دوہزارسولہ کے امریکی صدارتی انتخابات میں روس کی ہر طرح کی مداخلت کی تردید کی گئی ہے لیکن ساتھ ہی یہ بھی کہا گیا ہے کہ روس نے دوہزار سولہ کے انتخابات انٹرنیٹ ایجنسیوں اور ہیکروں کے حملوں کے ذریعے دوہزار سولہ کے امریکی صدارتی انتخابات پر اثر انداز ہونے کی کوشش کی تھی لیکن ماسکو نے ہمیشہ اس طرح کے الزامات کی تردید کی ہے -