برطانیہ کا بحری جنگی جہاز واپس چلا گیا

برطانوی بحریہ نے کہا ہے کہ برطانیہ کا ڈسٹرائر آبنائے ہرمز سے نکل کر ساحلی شہر پورٹ اسموتھ پر پہنچ گیا ہے
اسکاٹ لینڈ کے اخبار پریس اینڈ جرنال نے خبردی ہے کہ برطانوی بحریہ کا کہنا ہے کہ ایچ ایم ایس ڈونکن ڈسٹرائر خلیج فارس اور آبنائے ہرمز میں برطانوی آئیل ٹینکروں کی حفاظت کے تعلق سے اپنا مشن مکمل کرنے کے بعد ہفتے کو ساحلی شہر پورٹ اسموتھ پہنچ گیا ہے - برطانوی حکام کا دعوی ہے کہ اس ڈسٹرائر نے ایک ملین دولاکھ اسّی ہزار ٹن سیال گیس اور برطانیہ کے دیگر تجارتی بحری جہازوں کی حفاظت کی ہے - مارچ میں یہ برطانوی ڈسٹرائر شام کے لئے روانہ ہوا تھا لیکن بعد میں اسے آبنائے ہرمز کی جانب بھیج دیا گیا۔ امریکا نے اگست کے مہینے میں خلیج فارس میں سپاہ پاسداران کے ہاتھوں اپنا ایک جدید ترین ڈرون مار گرائے جانے کے بعد اس علاقے میں ایک بحری اتحاد تشکیل دینے کی کوشش کا دعوی کیا تھا جس میں اس کو شکست ہوئی ہے - امریکا اپنے اس نام نہاد بحری اتحاد میں حتی اپنے اتحادیوں کو بھی شامل کرنے میں ناکام رہا ہے -