یمن میں جیل پر جارح سعودی اتحاد کا حملہ 2019 کا وحشیان ترین حملہ
وحشیانہ حملے کو دوہزار انیس میں یمن میں کیا گیا اب تک کا سب سے وحشیانہ حملہ قرار دیا ہے
ایمنسٹی انٹرنیشنل نے یمن کے صوبہ ذمار میں جنگی قیدیوں کی جیل پر جارح سعودی اتحاد کے وحشیانہ حملے کو دوہزار انیس میں یمن میں کیا گیا اب تک کا سب سے وحشیانہ حملہ قرار دیا ہے
شیئرینگ :
ایمنسٹی انٹرنیشنل نے یمن کے صوبہ ذمار میں جنگی قیدیوں کی جیل پر جارح سعودی اتحاد کے وحشیانہ حملے کو دوہزار انیس میں یمن میں کیا گیا اب تک کا سب سے وحشیانہ حملہ قرار دیا ہے۔
ایمنسٹی انٹرنیشنل نے اپنے ایک بیان میں کہا ہے کہ یمن کے صوبہ ذمار کے شہر المقصوف کی جیل پر جارح سعودی اتحاد کے حملے میں دسیوں قیدی مارے گئے ہیں۔ایمنسٹی انٹرنیشنل نے مذکورہ جیل پر وحشیانہ حملے کی تحقیقات پر زور دیتے ہوئے عالمی برادری سے کہا کہ وہ یمن کی جنگ میں بین الاقوامی قوانین کی مسلسل خلاف ورزیوں کی روک تھام کی کوشش کریں۔انسانی حقوق کی اس تنظیم نے عالمی اداروں سے بھی مطالبہ کیا ہے کہ وہ یمن کی جیل پر حملہ کرنے والوں کو کیفر کردار تک پہنچائیں اور اس حادثے میں مارے جانے والوں کے اہل خانہ کو تاوان کی ادائیگی کی کوشش کریں۔ عالمی ریڈ کراس کمیٹی نے اتوار کی شام اپنی ایک رپورٹ میں کہا ہے کہ یمن کے صوبہ ذمار کے شہر المقصوف کی جیل پر سعودی اتحاد کے ہوائی حملے میں ایک سو قیدی مارے گئے ہیں۔ یمن کے امور میں اقوام متحدہ کے خصوصی نمائندے مارٹین گریفتھس نے بھی اس حملے کو انتہائی ہولناک قراردیتے ہوئے کہا ہے کہ یمن کی جنگ میں انسانی جانوں کا ضیاع اب قابل برداشت نہیں ہے اور یہ لڑائی اب بند ہوجانی چاہئے۔