روسی صدر ولادی میر پوتین نے کم جونگ کو یوم آزادی کی مبارک باد دی

روس کے صدر اور شمالی کوریا کے سربراہ نے ماسکو پیانگ یانگ تعلقات کے فروغ پر زور دیا ہے۔
سرخ فوج کے تعاون سے جاپانی سامراج کے قبضے شمالی کوریا کی آزادی کی چوہترویں سالگرہ کے موقع پر صدر ولادی میر پوتین اور کم جونگ اُن نے تہنیتی پیغامات کے تبادلے میں دوستی اور باہمی تعاون کے فروغ پر زور دیا ہے۔ روسی صدر ولادی میر پوتین نے شمالی کوریا کے سربراہ کم جونگ اُن کے نام اپنے تہنیتی پیغام میں کہا ہے کہ باہمی سمجھوتوں کی بنیاد پر دونوں ملکوں کے درمیان تعاون کے عمل کو آگے بڑھانا ضروری ہے۔کم جونگ اُن نے صدر پوتین کے تہنیتی پیغام کے جواب میں کہا ہے کہ شمالی کوریا اور روس کے عوام ایک دوسرے کے دوست ہیں اور اس تعلق کو اقتصادی اور سیاسی شعبے میں میں فروغ حاصل ہونا چاہیے۔قابل ذکر ہے کہ سابق سویت یونین کی فوج نے پندرہ اگست انیس سو پینتالیس کو جزیرہ نمائے کوریا کو جاپانی سامراج کے قبضے سے آزاد کرایا تھا اور اس واقعے کی یاد میں شمالی کوریا کے دارالحکومت پیانگ یانگ میں یادگار بھی بنائی گئی ہے۔