عراق کی وزارت صحت نے اعلان کیا ہے کہ دارالحکومت بغداد کے جنوب میں واقع الدورہ کے علاقے میں عوامی رضاکار فورس کے ہتھیاروں کے گودام میں ہونے والے دھماکوں میں کم از کم ایک شخص جاں بحق اور انتیس دیگر زخمی ہوئے ہیں۔
ہمارے نمائندے کی رپورٹ کے مطابق بعض ذرائع کا کہنا ہے کہ ایک نامعلوم طیارے نے اس فوجی ہیڈکوارٹر کو نشانہ بنایا اور ہتھیاروں کے گودام پر حملہ کر دیا۔
عراقی حکام نے ابھی اس سلسلے میں کوئی بیان جاری نہیں کیا ہے۔ دوسری جانب عراق کی انسداد دہشت گردی کی تنظیم نے اعلان کیا ہے کہ صوبے الانبار میں داعش دہشت گرد گروہ کے ٹھکانوں پر پیر کے روز کئے جانے والے حملے میں اس دہشت گرد گروہ کے کئی عناصر ہلاک و زخمی ہو گئے۔ صوبے الانبار میں عراق کی مسلح افواج کے اس آپریشن میں عراق کی فضائیہ نے بھی تعاون کیا۔