یمن کا انقلاب کامیابیوں کے نئے مرحلے میں داخل ہوگیا ہے

بین الاقوامی امور میں رہبرانقلاب اسلامی کے مشیر ڈاکٹر علی اکبرولایتی نے کہا کہ یمن کا انقلاب کامیابیوں کے نئے مرحلے میں داخل ہوگیا ہے
بین الاقوامی امور میں رہبرانقلاب اسلامی کے مشیر ڈاکٹر علی اکبر ولایتی نے کہا کہ سعودی ایجنٹوں کے ہاتھوں  یمنی تحریک انصار اللہ کے سربراہ عبدالملک بدرالدین الحوثی کے بھائی ابراہیمالحوثی کی شہادت ایک ایسے وقت ہوئی جب یمن کاانقلاب اور یمنی مجاہدین کے کامیابیوں کے نئے مرحلے میں داخل ہو گئے ہیں - ڈاکٹر ولایتی نے ابراہیم بدرالدین الحوثی کی شہادت کی مناسبت سے اپنے پیغام میں کہا کہ یہ شہادت یمن کے انقلابی عوام کے لئے مزید کامیابیوں کی بشارت دے رہی ہے اور سعودی حکومت کے زیرکمان جارح  اتحاد کو ذلت آمیز شکست کا سامنا کرنا پڑے گا - بین الاقوامی امور میں رہبرانقلاب اسلامی کے مشیر نے  کہا کہ امت اسلامیہ اور یمنی عوام کے دشمنوں کو جان لینا چاہئے شہادت نہ صرف یمنی عوام کی کامیابیوں کا راستہ نہیں روک سکتی بلکہ شہادت سامراجی طاقتوں کے مقابلے میں جانبازان اسلام  کی دلی آرزو ہوتی ہے - ان کا کہنا تھا کہ ان مجاہدین کی فداکاری اور شہادت انقلاب یمن کی تقویت اور استحکام کا باعث بنے گا - واضح رہے کہ سعودی عرب سے وابستہ ایجنٹوں نے جمعے کو  انصاراللہ کے سربراہ عبدالملک الحوثی کے بھائی ابراہیم الحوثی کوشہاد کردیاتھا -