تاریخ شائع کریں۲۰ مرداد ۱۳۹۸ گھنٹہ ۱۷:۳۱
خبر کا کوڈ : 433780

حادثے کے بعد آئل ٹینکر سے پیٹرول جمع کرتے ہوئے 60 افراد جل کر ہلاک

تنزانیہ میں موٹر سائیکل کو بچاتے ہوئے ایک آئل ٹینکر الٹ کر مصروف شاہراہ پر گرگیا
تنزانیہ میں سڑک پر گرے آئل ٹینکر سے مقامی رہائشی پٹرول جمع کر رہے تھے کہ اچانک دھماکا ہوگیا اور آگ بھڑک اُٹھی جس کے نتیجے میں 60 افراد ہلاک اور 70 زخمی ہوگئے
حادثے کے بعد آئل ٹینکر سے پیٹرول جمع کرتے ہوئے 60 افراد جل کر ہلاک
تنزانیہ میں سڑک پر گرے آئل ٹینکر سے مقامی رہائشی پٹرول جمع کر رہے تھے کہ اچانک دھماکا ہوگیا اور آگ بھڑک اُٹھی جس کے نتیجے میں 60 افراد ہلاک اور 70 زخمی ہوگئے۔
بین الاقوامی خبر رساں ادارے کے مطابق تنزانیہ میں موٹر سائیکل کو بچاتے ہوئے ایک آئل ٹینکر الٹ کر مصروف شاہراہ پر گرگیا اور آئل ٹینکر سے پٹرول بہنا شروع ہو گیا، مقامی افراد گھر سے برتن لے آئے اور پٹرول جمع کرنے لگے کہ اسی دوران خوفناک دھماکا ہوا اور آگ بھڑک اُٹھ گئی۔
پولیس کا کہنا ہے کہ مقامی رہائشی آئل ٹینکر سے بہنے والا پٹرول جمع کر رہے تھے کہ اسی دوران کسی نے سگریٹ سلگانے کے لیے ماچس جلائی تو خوفناک آگ بھڑک اُٹھی جس کی زد میں آکر آئل ٹینکر بھی پھٹ گیا جس سے تباہی میں اضافہ ہوا، واقعے میں 60 افراد ہلاک اور 70 زخمی ہوگئے۔
ہلاک ہونے والوں میں زیادہ تر آئل ٹینکر سے پٹرول لینے والے مقامی رہائشی شامل ہیں اس کے علاوہ دھماکے کے وقت قریب سے گزرنے والے کار اور موٹر سائیکل سوار بھی ہلاک اور زخمی ہونے والوں میں شامل ہیں۔ درجنوں موٹر سائیکلیں اور کاریں جل کر راکھ کا ڈھیربن گئیں۔
آپ کا نام
آپکا ایمیل ایڈریس