تاریخ شائع کریں۵ مرداد ۱۳۹۸ گھنٹہ ۱۱:۴۹
خبر کا کوڈ : 431480

واپسی مارچ پر ایک مرتبہ پھر وحشی صہیونی فوج کی فائرنگ میں متعدد شہید

صیہونی فوجیوں نے وحشیانہ طریقے سے فائرنگ کی جس سے ایک فلسطینی شہید اور36 فلسطینی زخمی ہوگئے
فلسطین کی وزارت صحت کا کہنا ہے کہ غزہ میں فلسطینیوں کے 68ویں حق واپسی مارچ کو غاصب صیہونی حکومت کے فوجیوں نے ایک بار پھر وحشیانہ جارحیت کا نشانہ بنایا
واپسی مارچ پر ایک مرتبہ پھر وحشی صہیونی فوج کی فائرنگ میں متعدد شہید
فلسطین کی وزارت صحت کا کہنا ہے کہ غزہ میں فلسطینیوں کے 68ویں حق واپسی مارچ کو غاصب صیہونی حکومت کے فوجیوں نے ایک بار پھر وحشیانہ جارحیت کا نشانہ بنایا جس میں ایک فلسطینی شہید اور 36 فلسطینی زخمی ہو گئے۔
العالم کی رپورٹ کے مطابق غزہ میں جمعے کے روز68 ویں واپسی مارچ کے دوران صیہونی فوجیوں نے وحشیانہ طریقے سے فائرنگ کی جس سے ایک فلسطینی شہید اور36 فلسطینی زخمی ہوگئے۔ غاصب صیہونی فوجیوں نے زہریلی گیس کا بھی استعمال کیا۔
فلسطینی عوام نے اپنے حقوق کی بازیابی کے لئے تیس مارچ دو ہزار اٹھارہ سے واپسی مارچ کا آغاز کیا تھا جس کے تحت ہزاروں افراد ہر جمعے کو غزہ سے ملنے والی مقبوضہ فلسطین کی سرحدوں کی جانب مارچ کرتے ہیں۔اس مارچ کا مقصد امریکی سفارت خانے کی بیت المقدس منتقلی اورغزہ کے ظالمانہ محاصرے کے خلاف احتجاج کرنا ہے۔ واپسی مارچ  میں اب تک 317 فلسطینی شہید اور کم سے کم 31 ہزار زخمی ہوئے ہیں۔
غاصب اسرائیل نے سن دو ہزار چھے سے غزہ کا محاصرہ کر رکھا ہے اور وہ وہاں بنیادی اشیا کی ضرورت کی ترسیل کی راہ میں شدید رکاوٹیں پیدا کر رہا ہے جس کے نتیجے میں غزہ کے فلسطینیوں کو غذائی اشیا، ادویات اور دواؤں کی شدید قلت کا سامنا ہے۔
آپ کا نام
آپکا ایمیل ایڈریس