تاریخ شائع کریں2019 19 July گھنٹہ 15:37
خبر کا کوڈ : 430252

صدر میکرون کی روس ہم منصب سے ایٹمی معاہدے پر تبادلہ خیال

 روس کے صدر ولادیمیر پوتین اور فرانس کے صدر امانوئیل میکرون نے ٹیلی فون پر بات چیت کرتے ہوئے کہا
روس اور فرانس کے صدور نے ایران کے ساتھ ہونے والے ایٹمی معاہدے کو باقی رکھنے کی غرض سے مشترکہ کوششوں پر اتفاق کیا ہے
صدر میکرون کی روس ہم منصب سے ایٹمی معاہدے پر تبادلہ خیال
روس اور فرانس کے صدور نے ایران کے ساتھ ہونے والے ایٹمی معاہدے کو باقی رکھنے کی غرض سے مشترکہ کوششوں پر اتفاق کیا ہے۔
 روس کے صدر ولادیمیر پوتین اور فرانس کے صدر امانوئیل میکرون نے ٹیلی فون پر بات چیت کرتے ہوئے، ایران کے ساتھ ہونے والے ایٹمی معاہدے کو مغربی ایشیا کی سلامتی کے حوالے سے بھی انتہائی اہم قرار دیا۔
 پوتین اور میکرون نے ایٹمی معاہدے کے دیگر فریقوں پر زور دیا کہ وہ اس معاہدے کو باقی رکھنے کے لیے مشترکہ اقدامات انجام دیں۔
ایران کے صدر ڈاکٹر حسن روحانی نے بھی جمعرات کی شام فرانسیسی صدر امانوئیل میکرون سے ٹیلی فون پر بات چیت کرتے ہوئے ایٹمی معاہدے کو باقی رکھے جانے کی ضرورت پر تاکید کی تاہم کہا کہ یورپ کی جانب سے اپنے وعدوں کی تکمیل میں غیر ضروری تاخیر ہمیں ایٹمی معاہدے کے حوالے سے تیسرا قدم اٹھانے پر مجبور کر دے گی۔
صدر مملکت نے کہا کہ یورپ کی جانب سے اپنے وعدوں پر عملدرآمد کی صورت میں ایران، ایٹمی معاہدے کے ان حصوں پر عملدرامد دوبارہ شروع کردے گا جنہیں حال ہی میں معطل کیا گیا ہے۔
https://taghribnews.com/vdcftxdj0w6dm0a.k-iw.html
آپ کا نام
آپکا ایمیل ایڈریس
سکیورٹی کوڈ