ایران اور امریکہ کے درمیان جنگ نہیں چاہتے

برطانیہ کے وزیر خارجہ نے کہا ہے کہ ان کا ملک نہیں سمجھتا کہ ایران یا امریکہ جنگ کے خواہاں ہیں تاہم دونوں ملکوں کے درمیان ممکنہ جنگ پر برطانیہ کو تشویش لاحق ہے۔
جرمی ہنٹ نے جو برطانیہ کی وزارت عظمی کے ایک امیدوار بھی ہیں، بی بی سی سے گفتگو میں خلیج فارس کی خطرناک صورت حال پر خبردار کرتے ہوئے کہا ہے کہ برطانیہ، خلیج فارس کے علاقے میں کشیدگی کم کرانا چاہتا ہے۔انھوں نے بحیرہ عمان میں دو آئل ٹینکروں میں ہونے والے دھماکے میں ایران کے ملوث ہونے پر مبنی امریکی دعوے کی تکرار کرتے ہوئے کہا کہ ایران کو چاہئے کہ مغربی ایشیا اور خلیج فارس میں عدم استحکام سے دوچار کرنے والے اقدامات سے دستبردار ہو جائے۔برطانوی وزیر خارجہ نے یہ بیان ایسی حالت میں دیا ہے کہ یورپی یونین کے وزرائے خارجہ نے امریکہ کے اس دعوے کو قبول نہیں کیا ہے کہ اس دھماکے میں ایران کا کوئی ہاتھ رہا ہے۔