جمہوریت میں اپوزیشن کا فعال اور مضبوط ہونا ضروری ہے
نریندر مودی نے جمہوری نظام میں حزب اختلاف کی اہمیت پر زور دیا ہے
پارلیمنٹ کیمپس میں صحافیوں سے گفتگو کرتے ہوئےوزیر اعظم نریندر مودی نے کہا کہ وہ اپوزیشن کی اہمیت کو تسلیم کرتے ہیں
شیئرینگ :
ہندوستان کے وزیر اعظم نریندر مودی نے جمہوری نظام میں حزب اختلاف کی اہمیت پر زور دیا ہے
نئی دہلی سے ہندوستانی خبررساں ایجنسی یو این آئی کی رپورٹ کے مطابق سترھویں لوک سبھا کے پہلے دن کے سیشن کے موقع پر پارلیمنٹ کیمپس میں صحافیوں سے گفتگو کرتے ہوئے وزیر اعظم نریندر مودی نے کہا کہ وہ اپوزیشن کی اہمیت کو تسلیم کرتے ہیں ۔ انھوں نے کہا کہ جمہوریت میں اپوزیشن کا فعال اور مضبوط ہونا ضروری ہے ۔ وزیر اعظم نریندر مودی نے کہا کہ اپوزیشن کو ایوان میں اپنی تعداد کی فکر نہیں کرنی چاہئے ۔ انھوں نے کہا کہ پارلیمنٹ میں حزب اختلاف کے اراکین کی تعداد چاہے جتنی بھی ہو، ان کے لئے اپوزیشن کا ہر لفظ اور ہر جذبہ اہمیت رکھتا ہے ۔ انھوں نے تمام اراکین پارلیمنٹ سے ایوان میں حزب اقتدار یا حزب اختلاف کے جذبے کے بجائے عوامی فلاح و بہبود کے جذبے کے ساتھ کام کرنے کی اپیل کی ۔