ایران کی جانب سے کوئٹہ میں دہشت گردی پر اظہار افسوس

ایران کے دفتر خارجہ کے ترجمان سید عباس موسوی نے پاکستان کے شہر کوئٹہ میں مسجد میں ہونے والے دہشت گردانہ بم دھماکے کی مذمت کرتے ہوئے جان بحق ہونے والوں کے لواحقین سے ہمدردی کا اظہار کیا۔
پاکستان کے صوبے بلوچستان کے صدر مقام کوئٹہ میں ایک مسجد میں ہونے والے دہشت گردانہ بم دھماکے میں دو افراد جاں بحق اور سترہ دیگر زخمی ہو گئے۔
ایران کی وزارت خارجہ کے ترجمان سید عباس موسوی نے جمعے کے روز کوئٹہ کی مسجد میں ہونے والے دھماکے کی شدید مذمت کی اور اس دھماکے کو غیر انسانی جرم قرار دیا۔ انھوں نے اس واقعے پر پاکستان کی حکومت اور قوم کو تعزیت بھی پیش کی۔
سید عباس موسوی نے تاکید کے ساتھ کہا کہ ایران، دہشت گردی کی جڑوں کو اکھاڑ پھینکنے کے لئے علاقے کے تمام ملکوں اور حکومتوں خاص طور سے پڑوسی ملک پاکستان کے ساتھ کھڑا ہے۔