عمران خان کی جانب سے نریندرمودی کی کامیابی پر نیک تمناوں کا اظہار
سماجی رابطے کی ویب سائٹ پر ٹویٹ پر اپنے پیغام میں عمران خان نے کہا
الیکشن میں کامیابی حاصل کرنے پر اپنے ہندوستانی ہم منصب نریندر مودی کو مبارک باد دیتے ہوئے خطے میں امن و خوشحالی اور مل کر کام کرنے کی امید ظاہر کی ہے
شیئرینگ :
پاکستان کے وزیراعظم عمران خان نے الیکشن میں کامیابی حاصل کرنے پر اپنے ہندوستانی ہم منصب نریندر مودی کو مبارک باد دیتے ہوئے خطے میں امن و خوشحالی اور مل کر کام کرنے کی امید ظاہر کی ہے۔
سماجی رابطے کی ویب سائٹ پر ٹویٹ پر اپنے پیغام میں عمران خان نے کہا کہ انتخابات میں بھارتیہ جنتا پارٹی اور اتحادیوں کی کامیابی پر میں وزیراعظم نریندر مودی کو مبارکباد پیش کرتا ہوں۔پاکستان کے وزیراعظم نے اپنے ٹوئٹ میں جنوبی ایشیا میں امن اور خطے کی ترقی و خوشحالی کے لیے ہندوستانی وزیراعظم کے ساتھ کام کرنے کی امید ظاہر کی ہے۔
واضح رہے کہ ہندوستان میں عام انتخابات کے آغاز سے قبل نو اپریل کو پاکستان کے وزیر اعظم عمران خان نے چند غیر ملکی صحافیوں کو انٹرویو دیتے ہوئے کہا تھا کہ انہیں لگتا ہے کہ ہندوستانی وزیر اعظم کی بھارتیہ جنتا پارٹی کے انتخابات میں جیتنے سے امن مذاکرات کا بہتر موقع ملے گا۔