ایران اور امریکہ کے درمیان کشیدگی خطے پر منفی اثرات مرتب کرے گی

پاکستان کے وزیر خارجہ نے ایران امریکہ کشیدگی سے متعلق علاقے کے حالات پر ایک بار پھر تشویش کا اظہار کیا۔
ارنا کی رپورٹ کے مطابق پاکستان کے وزیر خارجہ شاہ محمود قریشی نے شنگھائی تعاون تنظیم کے اجلاس میں شرکت کے لئے اپنے دورہ قرقیزستان میں نامہ نگاروں سے گفتگو کرتے ہوئے کہا ہے کہ اس اجلاس کے موقع پر پاکستان کا وفد ایٹمی معاہدے کے فریق ملکوں کی حیثیت سے روس اور چین کے وزرائے خارجہ سے ملاقات میں علاقے میں ایران امریکہ کشیدگی پر تبادلہ خیال کرے گا۔
پاکستان کے وزیر خارجہ نے گذشتہ اتوار کو اپنے دورہ کویت میں بھی ایران اور امریکہ کے درمیان بڑھتی ہوئی کشیدگی پر تشویش کا اظہار کرتے ہوئے کہا تھا کہ ان کا ملک علاقے میں امن و استحکام کا خواہاں رہا ہے اور اس مقصد کے حصول کے لئے وہ کشیدگی ختم کرانے میں مدد و تعاون کرنے کے تیار ہے۔
پاکستان نے اس سے قبل بھی خلج فارس کے علاقے میں امریکہ کی بڑھتی ہوئی فوجی موجودگی کو تشویشناک قرار دیا تھا۔