بھارت میں رکن اسمبلی سمیت 11 افراد کا قتل

ہندوستانی ریاست اروناچل پردیش میں مسلح افراد کی فائرنگ سے رکن اسمبلی سمیت 11افراد ہلاک ہوگئے۔
ہندوستان کے مرکزی وزیر داخلہ راج ناتھ سنگھ نے اروناچل پردیش میں نیشنل پیپلز پارٹی کے ایم ایل اے ترونگ ابوہ سمیت 11 لوگوں کو منگل کے دن دہشت گردانہ حملے میں ہلاک کئے جانے پر اپنے گہرے دکھ کا اظہار کرتے ہوئے کہا کہ یہ شمال مشرق میں امن کو ختم کرنے کی کوشش ہے۔
ہندوستانی میڈیا کے مطابق ناگا انتہاپسندوں نےکل ضلع تیراپ میں رکن اسمبلی تیرونگ ابوہ کے قافلے پر فائرنگ کرکے اروناچل پردیش میں نیشنل پیپلز پارٹی کے کھوسا مغرب سے ممبراسمبلی تیرونگ ابوہ سمیت گیارہ افراد کوہلاک کردیا۔ ہلاک ہونے والوں میں رکن اسمبلی تیرونگ ابوہ اور ان کا بیٹا بھی شامل ہے۔
واضح رہے کہ نیشنل پیپلز پارٹی کے رکن اسمبلی ترونگ نے اروناچل پردیش کی نشست سے الیکشن لڑا تھا۔