امریکی پابندیاں ترقی کی راہ میں رکاوٹ نہیں بن سکتیں
صدر مملکت ڈاکٹر حسن روحانی نے کہا ہے
صدر مملکت ڈاکٹر حسن روحانی نے کہا ہے کہ پابندیوں کے دور میں عظیم ترقیاتی منصوبوں کا افتتاح امریکہ کے حکمرانوں کے لیے واضح جواب ہے
شیئرینگ :
صدر مملکت ڈاکٹر حسن روحانی نے کہا ہے کہ پابندیوں کے دور میں عظیم ترقیاتی منصوبوں کا افتتاح امریکہ کے حکمرانوں کے لیے واضح جواب ہے۔
صدر ایران ڈاکٹر حسن روحانی نے منگل کی شام پلدشت شہر کے دورے کے موقع پر ویڈیو کانفرنس کے ذریعے صوبہ کرمانشاہ اور آذربائیجان غربی میں متعدد عظیم ترقیاتی منصوبوں کا افتتاح کرتے ہوئے کہا کہ یہ تمام منصوبے پابندیوں کے دور میں مکمل کیے گئے ہیں۔
صدر مملکت نے کہا کہ پابندیوں کے دوران شروع اور مکمل کیے جانے والے یہ عظیم منصوبے وائٹ ہاؤس اور امریکہ کے نو آموز سیاستدانوں کی پالیسیوں کا مناسب جواب ہیں۔
صدر ایران نے کہا کہ سیاست کی دنیا میں تازہ قدم رکھنے والے سمجھ رہے تھے کہ وہ ایران کی سربلندی میں کمی کر سکتے ہیں لیکن آج پابندیوں کے باوجود ہم ترقی کی منزلیں طے کر رہے ہیں۔
قابل ذکر ہے کہ صدر ایران نے جن منصوبوں کا افتتاح کیا ہے ان میں دو ڈیم، آب رسانی اور آب پاشی کا منصوبہ اور چھبیس چھوٹے بڑے زرعی اور مواصلاتی منصوبے شامل ہیں۔