تاریخ شائع کریں۲۹ ارديبهشت ۱۳۹۸ گھنٹہ ۲۰:۱۸
خبر کا کوڈ : 420911

سعودی اور امارات حکام کی ملاقات یمن میں مزید خوریزی کا باعث ہوگی

یمن کی اعلی انقلابی کمیٹی کے صدر محمد علی الحوثی نے اپنے ٹوئیٹ میں کہا
یمن کی اعلی انقلابی کمیٹی کے صدر نے سعودی عرب کی جانب سے سعودی اور امارات کے تیل کی تنصیبات پر حالیہ حملوں کے خلاف دو اجلاس بلانے پر سخت رد عمل کا اظہار کیا ہے
سعودی اور امارات حکام کی ملاقات یمن میں مزید خوریزی کا باعث ہوگی
یمن کی اعلی انقلابی کمیٹی کے صدر نے سعودی عرب کی جانب سے سعودی اور امارات کے تیل کی تنصیبات پر حالیہ حملوں کے خلاف دو اجلاس بلانے پر سخت رد عمل کا اظہار کیا ہے۔
اسپوتنیک کی رپورٹ کے مطابق یمن کی اعلی انقلابی کمیٹی کے صدر محمد علی الحوثی نے اپنے ٹوئیٹ میں کہا کہ اجلاس میں مدعو ہونے والے ممالک کے سربراہان اجلاس میں شرکت نہ کرنے کے ذریعے یمنی عوام کے قتل عام کی روک تھام کر سکتے ہیں۔ انہوں نے کہا کہ اس قسم کے اجلاس نہ فقط یمن پر جارحیت کی روک تھام میں مدد نہیں کر سکتے بلکہ جنگ و خونریزی کے جاری رہنے کا باعث بنتے ہیں۔
محمد علی الحوثی نے اپنے ٹوئیٹ میں کہا کہ در اصل اس قسم کا اجلاس جہان اسلام اور اسی طرح فلسطین کے مسئلے اور سینچری ڈیل کے حوالے سے ایک سازش ہے۔
واضح رہے کہ سعودی عرب کے شاہ سلمان بن عبدالعزیز نے خلیج فاارس تعاون کونسل کے رکن ممالک اور عرب ممالک کے سربراہوں کو 30 مئی کو فوری طور پر دو اجلاس میں شرکت کی دعوت دی ہے جس کا مقصد سعودی عرب کی تیل تنصیبات اور امارات کے الفجیرہ بندرگاہ میں رونما ہونے والے حالیہ واقعات کا جائزہ لینا ہے۔
آپ کا نام
آپکا ایمیل ایڈریس