امریکہ کی مختلف ریاستوں میں فائرنگ کے واقعات میں اکسٹھ افراد ہلاک اور زخمی ہوئے ہیں
چوبیس گھنٹے کے دوران میری لینڈ، فلوریڈا، لوئیزیانا، اوھایو ایلینوائے ٹکساس، پینسلوانیا اور میسا چوسٹس سمیت مختلف ریاستوں میں فائرنگ کے تریسٹھ واقعات ریکارڈ کیے گئے
شیئرینگ :
امریکہ کی مختلف ریاستوں میں فائرنگ کے واقعات میں اکسٹھ افراد ہلاک اور زخمی ہوئے ہیں۔
فائرنگ کے اعداد و شمار جمع کرنے والے امریکی مرکز گن وائیلینس آرکائیو کی رپورٹ میں کہا گیا ہے کہ گذشتہ چوبیس گھنٹے کے دوران میری لینڈ، فلوریڈا، لوئیزیانا، اوھایو ایلینوائے ٹکساس، پینسلوانیا اور میسا چوسٹس سمیت مختلف ریاستوں میں فائرنگ کے تریسٹھ واقعات ریکارڈ کیے گئے۔گن وائیلینس آرکائیو کی رپورٹ کے مطابق فائرنگ کے مذکورہ واقعات میں کم سے کم اکیس افراد ہلاک اور چالیس زخمی ہوئے ہیں۔امریکہ میں فائرنگ کے واقعات میں ہرسال ہزاروں افراد ہلاک اور زخمی ہوجاتے ہیں۔امریکہ کے سابق صدر اوباما نے ہتھیار رکھنے کی شرائط کو قدرے سخت کرنے کے لئے قانون منظور کرانے کی کوشش کی تھی تاہم اسلحہ ساز کمپنیوں کی حامی لابی کی مخالفت کے باعث وہ اپنی کوششوں میں کامیاب نہ ہو سکے۔