وحشی صہیونی فوج نے پر امن معصوم مظاہرین پر گولیاں برساں دی

غزہ میں فلسطین کی وزارت صحت کے جاری کردہ بیان میں کہا گیا ہے

31 فروردين 1398 گھنٹہ 14:49

صیہونی فوجیوں نے فلسطینیوں کے پرامن واپسی مارچ پر ایک بار پھر وحشیانہ طریقے سے فائرنگ کرکے12 فلسطینیون کو زخمی کردیا۔


صیہونی فوجیوں نے فلسطینیوں کے پرامن واپسی مارچ پر ایک بار پھر وحشیانہ طریقے سے فائرنگ کرکے12 فلسطینیون کو زخمی کردیا۔
ارنا کی رپورٹ کے مطابق غزہ میں فلسطین کی وزارت صحت کے جاری کردہ بیان میں کہا گیا ہے کہ کل جمعے کے روز پچپنویں واپسی مارچ کے دوران صیہونی فوجیوں نے وحشیانہ فائرنگ کرکے 12 فلسطینیوں کو زخمی کردیا ۔ زخمی ہونے والوں میں ایک صحافی اور 2ریسکیو اہلکار بھی ہیں۔
غاصب صیہونی فوجیوں نے زہریلی گیس کا استعمال بھی کیا۔
تیس مارچ دو ہزار اٹھارہ سے جاری فلسطینیوں کے گرینڈ واپسی مارچ پر صیہونی فوجیوں کی فائرنگ کے نتیجے میں اب تک 272 سے زائد فلسطینی شہید اور ہزاروں زخمی ہو چکے ہیں جن میں سے 16 ہزار زخمی غزہ کے ہسپتالوں میں داخل ہوئے۔
 فلسطینی عوام نے اپنے حقوق کی بازیابی کے لئے تیس مارچ دو ہزار اٹھارہ سے گرینڈ واپسی مارچ کا آغاز کیا تھا جس کے تحت ہزاروں افراد ہر جمعے کو غزہ سے ملنے والی مقبوضہ فلسطین کی سرحدوں کی جانب مارچ کرتے ہیں۔ اس مارچ کا مقصد امریکی سفارت خانے کی بیت المقدس منتقلی اورغزہ کے ظالمانہ محاصرے کے خلاف احتجاج کرنا ہے-
غاصب اسرائیل نے سن دو ہزار چھے سے غزہ کا محاصرہ کر رکھا ہے اور وہ وہاں بنیادی اشیا کی ضرورت کی ترسیل کی راہ میں شدید رکاوٹیں پیدا کر رہا ہے جس کے نتیجے میں غزہ کے فلسطینیوں کو غذائی اشیا، ادویات اور دواؤں کی شدید قلت کا سامنا ہے۔


خبر کا کوڈ: 415935

خبر کا ایڈریس: http://www.taghribnews.com/ur/news/415935/وحشی-صہیونی-فوج-نے-پر-امن-معصوم-مظاہرین-گولیاں-برساں-دی

تقريب خبررسان ايجنسی (TNA)
  http://www.taghribnews.com