ایرانی وزیر خارجہ کی اقوام متحدہ کے سیکریٹری جنرل کی نمائندہ سے ملاقات

عراق کے امور میں اقوام متحدہ کی نمائندہ نے پیر کے روز تہران میں ایران کے وزیر خارجہ سے ملاقات کی۔
ایران کے وزیر خارجہ محمد جواد ظریف اور عراق کے امور میں اقوام متحدہ کے سیکریٹری جنرل کی نمائندہ جینین ہینس کے درمیان ہونے والی ملاقات میں عراق کے حالات، داعش سمیت مختلف دہشت گرد گروہوں، ایران کی سپاہ پاسداران انقلاب اسلامی کے خلاف امریکہ کے دشمنانہ موقف اور ایران کے خلاف علاقے کے بعض ملکوں کی اشتعال انگیزی کے بارے میں تبادلہ خیال کیا گیا۔حکومت امریکہ نے آٹھ اپریل دو ہزار انیس کو ایران مخالف اقدامات اور دہشت گرد گروہوں کے خلاف سرگرم عمل سیکورٹی فورس پر دباؤ بڑھانے کا سلسلہ جاری رکھتے ہوئے کہ جنھوں نے علاقے میں واشنگٹن کے شرمناک مقاصد کو ناکام بنایا ہے، سپاہ پاسداران انقلاب اسلامی کا نام ان گروہوں کی فہرست میں شامل کر دیا ہے جسے امریکہ دہشت گرد گروہوں کی فہرست قرار دیتا ہے۔ایران کی اعلی قومی سلامتی کونسل نے بھی امریکہ کے اس اقدام کے جواب میں مغربی ایشیا میں تعینات امریکی فوجیوں اور اس کی تمام یونٹوں کو دہشت گرد اعلان کر دیا ہے۔