مالی میں 134 افراد ہلاکت باعث افسوس ہے

اقوام متحدہ کے سیکریٹری جنرل انتونیو گوتریس نے مالی میں فسادات کے نتیجے میں خواتین اور بچوں سمیت شہریوں کی ہلاکت پر افسوس کرتے ہوئے بیان میں کہا ہے کہ مالی میں گزشتہ روز لسانی فسادات میں کم ازکم 134 افراد ہلاک ہوگئے ہیں۔
مہر خبررساں ایجنسی نے رائٹرز کے حوالے سے نقل کیا ہے کہ اقوام متحدہ کے سیکریٹری جنرل انتونیو گوتریس نے مالی میں فسادات کے نتیجے میں خواتین اور بچوں سمیت شہریوں کی ہلاکت پر افسوس کرتے ہوئے بیان میں کہا ہے کہ مالی میں گزشتہ روز لسانی فسادات میں کم ازکم 134 افراد ہلاک ہوگئے ہیں۔ اقوام متحدہ کا کہنا تھا کہ مالی میں فولانی قبیلے کے گاؤں میں ہفتے کو فسادات ہوئے تھے جس کے بعد ایک وفد نے صورت حال کا جائزہ لینے کے لیے دورہ کیا۔ ضلعی گورنر بوبیکر کین کا کہنا تھا کہ مالی میں فسادات کے دوران زندہ بچ جانے افراد نے روایتی دونزو شکاری قبیلے کو اس واقعے کا ذمہ دار قرار دیا ہے۔ اقوام متحدہ کے سیکریٹری جنرل انتونیو گوتریس کے ترجمان فرحان حق نے ایک بیان میں کہا کہ سیکریٹری جنرل کو بچوں اور خواتین سمیت 134 شہریوں کے قتل کی خبروں پر صدمہ ہے اور انہوں نے مقامی حکام سے فوری تحقیقات اور متاثرین کو انصاف فراہم کرنے کا مطالبہ کیا ہے۔ انتونیو گوتریس کے ترجمان کا کہنا تھا کہ مالی میں موجود اقوام متحدہ کے مشن کی جانب سے فضائی امداد فراہم کی گئی اور متاثرین کو نکالنے میں تعاون کیا گیا۔